POP 5

Lajmet më të lexuara të 5 minutave të fundit

Politikë

KQZ anulon lekët për partitë e
vogla, Ndoka: Jeni ushtarë të PD-së

Ligji i ri për partië përcakton se forcat politike që marrin mbi 10 mijë vota përfitojnë nga 20 % të fondit për partitë politike, por kjo nuk u prnaua nga KQZ, e cila  hodhi poshtë dje kërkesën e pesë partive të vogla për të bërë ri-shpërndarjen e fondeve vjetore për partitë politike. 
KQZ anulon lekët për partitë e<br />vogla, Ndoka: Jeni ushtarë të PD-së
TIRANE- Komisioni Qendror i Zgjedhjeve hodhi poshtë dje kërkesën e pesë partive të vogla për të bërë ri-shpërndarjen e fondeve vjetore për partitë politike. Në një mbledhje që kishte rëndësi të madhe për partitë e vogla si PSD, PDS, PDK ku vetë kryetarët e tyre ishin në sallë, PD-ja ishte e para e cila e kundërshtoi këtë kërkesë të tyre duke theksuar se nuk ekziston baza ligjore. Por rrëzimi i kësaj kërkese nga ana e KQZ-së solli edhe acarimin e kreut të PDK-së Nard Ndoka i cili iu drejtua në sy tri anëtarëve të KQZ-së të zgjedhur nga Partia Demokratike duke i akuzuar si ushtar të bindur të PD-së. “KQZ që nuk voton ligjin ju jeni. Jeni bërë më keq se Edi Rama. Ju jeni ushtar të vegjël partie, turp t’ju vijë!”, akuzoi Nard Ndoka. Pavarësisht se këto akuza u bënë në momentin kur mbledhja kishte përfunduar, asnjë nga tri anëtarët nuk iu kundërvu Ndokës, por i thanë atij “faleminderit”.

Mbledhja
Në fillim të mbledhjes Skënder Gjinushi foli në emër të partive firmëtarë për rishpërndarjen e fondeve vjetore për Partitë Politike. Në fjalën e tij ai theksoi se ndryshimi i bërë në ligjin “Për partitë politike” ishte i nevojshëm pasi bën shpërndarjen e fondeve në mënyrë të barabartë. Sipas tij, me ligjin e vjetër, mjaftonte që një parti të kishte deputet në Kuvend mund të merrte para nga fondi i shtetit për partitë politike ndërsa tani kjo shpërndarje bëhet nëpërmjet votave që merr çdo subjekt zgjedhor. “Pas dushkut të 2005 financimi bëhej në bazë të mandateve. Me ndryshimin e sistemit zgjedhor në vitin 2008 duheshin bërë edhe këto ndryshime në ligj. Ishte e padrejtë që partitë brenda koalicionit që nxirrnin një deputet dhe që kishin më pak vota se ne merrnin 60-70 milion lekë, ndërsa ne që kemi më shumë vota nuk merrnin asgjë pasi votat tona shkonin për mandatin brenda koalicionit”,- theksoi Gjinushi.

Por pas përfundimit të fjalës nga ana e kreut të PSD-së, përfaqësuesi i Partisë Demokratike, Njazi Kosovrasti e kundërshtoi këtë kërkesë të tyre me “lezet” duke theksuar se rishpërndarja e fondeve duhet të bëhet pasi të merret konsensusi nga të gjitha partitë parlamentare dhe për këtë duhet më shumë kohë. Por Partia Socialiste nga ana e saj u shpreh se fondet vjetor për partitë politike duhet të ndahen në bazë të kërkesës së bërë nga ana e PSD-së. Konkretisht në kërkesë thuhej se fondet për periudhën e mbetur të vitit, 9 muaj, parat duhet të shpërndahen në 12 subjekte politike pasi ligji parashikon edhe partitë që kanë mbi 10 mijë vota. Veç, përfaqësuesi i PS-së, Eridian Salijani theksoi se rishpërndarja e fondeve të përfshi të gjithë vitin kalendarik, pra të filloi nga data 1 janar.

Shkrimi u publikua sot 30 prill 2014 në gazetën Shqiptarja.com (print)

Redaksia online
(d.a/shqiptarja.com)    

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

‘Shqipëria ka marr vëmendje të madhe, amerikanët blejnë shtëpi këtu’, Marko Kepi në Report Tv: S’merremi me politikë, e shohim si përçarje! Duhen kandidatë që përfaqësojnë diasporën, jo partinë

‘Shqipëria ka marr vëmendje të madhe, amerikanët blejnë shtëpi këtu’, Marko Kepi në Report Tv: S’merremi me politikë, e shohim si përçarje! Duhen kandidatë që përfaqësojnë diasporën, jo partinë

29 Nëntor, 21:18