KQZ çon sot në Gjendjen
Civile dy raportet e auditëve

TIRANE-Pas një mbledhje maratonë, Komisioni Qendror i Zgjedhjeve nuk ka gjetur dot një variant konsensual të raportit të auditit të listës paraprake të zgjedhëseve. Gjatë ditës së sotme ky instutucion pritet që të çojë të përcjellë Drejtorisë së Përgjithshme të Gjendjes Civile, gjetjet dhe rekomandimet përkatëse të dy auditëve,lidhur me problematikën e hasur gjatë punës së tyre për verifikimin e procesit të hartimit të listave të zgjedhësve. KQZ, do të caktojë gjithashtu edhe periudhën e ardhshme një mujore që do të auditohet si dhe afatin për dorëzimin e raportit të përpiluar nga auditët teknicienë.

Ky raport do të jetë i përmuajshëm deri në afatin që e ka përcaktuar Kodi Zgjedhor që listat e zgjedhësve të kontrollohen nga auditët dhe çdo rast i dyshuar si i dubluar duhet të përcillet pranë KQz. Ndërkohë që drejtuesit e pushtetit vendor kanë si për qëllim që çdo muaji të nxjerrin listat e reja të rishikuara pas gabimeve të konstatuara nga vetë zgjedhësit lidhur me emrat e tyre, adresat e banimeve apo dhe përcaktimit të zonave të votimit.

Shifrat e ndryshme të dy auditëve të zgjedhur nga KQZ për verifikimin e listave zgjedhore u kthye në “mollën e sherrit” për 5 orë dje në KQZ. Ndërkohë që auditët paraqitën detaje, por dhe gafa që ishin bërë, duke konstatuar mjaft dublime, gabime në shkrimin e emrave me shenja dalluese etj.
Konkluzionet e auditeve
PD: Rekorde të dyshuara të dubluara në shifrën 43.186
PS: Rekorde të dyshuara të dubluara në shifrën 65.702
PD: Zgjedhësit me moshë mbi 100 vjeç, 1057 persona
PS: Zgjedhësit me moshë mbi 100 vjeç, 1189 persona
PD: Numri i QV me numër zgjedhësish jashtë kufijve ligjorë: 688
PS: Numri i QV me numër zgjedhësish jashtë kufijve ligjorë: 2676
PS: 6479 rekorde në rubrikat e të cilave janë përdorur shenja të pikësimit të pa lejuara nga ana drejtshkrimore dhe sintaksore.
PS: 2676 qendra votimi nuk janë përcaktuar adresat për zgjedhësit

(ah/sg/shqiptarja.com)

TAG:
• kqz
• gafa