KQZ, Gjonçaj: Ngërç vendimet me 5 vota
Kosovrasti: Të larguarit kërkojnë rrogën kot

TIRANE - Përfaqësuesi ligjor i PS në KQZ, Genci Gjonçaj ngriti dje si shqetësim faktin e mosmiratimit të disa projektvendimeve që kërkojnë 5 vota.

“I referohem akteve që kanë të bëjnë me caktimin e vendeve të numërimit të votave, mënyrën e ngritjes së grupeve të numërimit, caktimin e tavolinave të GN,akteve që kanë të bëjnë për mënyrën dhe organizimin e punës në VNV rregullat që duhet të ndiqen nga KZAZ-ja dhe nga GNV-të, radhën e veprimeve dhe ndarjeve të detyrave midis anëtarëve të GNV-së,aktin shumë të rëndësishëm për funksionimin dhe organizimin e KQV-ve, aktin e manualit të qendrës së votimit, aktin e cili do të duhet të përcaktojë rregullat që do të duhet të zbatohen në vend numërimet e votave nga grupet e numërimit dhe nga KZAZ-ja përkasë.

Të gjithë këto akte e kanë pasur datën e miratimit në 5 prill 2013 dhe afati maksimal ka qenë 23 prill”, tha Gjonçaj.

Ky qëndrim u kundërshtua nga Kosovrasti, i cili bëri apel PS që të sjellë propzimet e saj për anëtarë.

“Përse përfaqësuesi i PS merret me vajtime dhe të mos bëjë detyrën si parti, me detyrimin që ka që në ato vendet bosh të vijnë përfaqësuesit e PS dhe të PBDNJ për të kryer detyrën e tyre kushtetuese, sa mirë kur i thua përfaqësuesit sipas informacionit që kam unë që kërkojnë edhe pagën për periudhën që nuk kanë qenë në punë në KQZ”, tha Kosovrasti.

Shkrimi u botua sot në gazetën Shqiptarja.com (print) 04.05.2013

Redaksia Online
(b.m/shqiptarja.com)

TAG:
• kqz