KQZ-ja liron nga detyra
anëtarët e PBDNJ nga KZAZ

TIRANE - Komisioni Qendror i Zgjedhjeve miratoi unanimisht në mbledhjen e rradhës lirimin nga detyra të anëtarëve të KZAZ-ve, të propozuar nga Partia Bashkimi për të Drejtat e Njeriut (PBDNJ), për zgjedhjet e 23 qershorit.

Diskutime pati për projektvendimin e llirimit nga detyra të antarëve të KZAZ të propozuar nga PBDNJ për mungesën e një dispozite të posatshme të përcaktuar në Kod për këtë cështje. Megjithatë ky projektvendim është miratuar unanimisht në bazë të një dispozite të përgjithshme, por edhe si rrjedhojë e vendimeve të mëparshme për rikompozimin e KZAZ/ve.

Komisioni ka miratuar edhe regjistrimin e 520 vëzhguesve të Shoqërisë Ndërkombëtare për të Drejtat e Njeriut (SHNDNJ) për vëzhgimin e zgjedhjeve të 23 qershorit.

Ndërsa është shtyrë projektvendimi për vëzhguesit e qendrës Polit On për pasaktësi dokumentacioni.

Me konsensus KQZ-ja miratoi dhe emërimin e anëtarëve të KZAZ-ve të propozuar nga Partia Republikane, si dhe pr/vendimin për 'planin për përmbushjen e projektit për sistemin elektronik të verifikimit(SEV) në qarkun e Tiranës'.

Me ndryshimet e mësipërme tashmë konfigurimi i anëtarëve në të 89-të KZAZ-të në shkallë vendi është ky: dy anëtarë të propozuar nga PD; dy anëtarë të propozuar nga PS; një anëtar i propozuar nga PR dhe një anëtar i propozuar nga LSI.

(ad.ti/shqiptarja.com)

TAG:
• kqz