KQZ jep mandatet e 7 deputetëve
Kejdi Mahmutaj, deputetja më e re

TIRANE- Pas dorëzimit të mandatit të deputetit nga ministrat Ilirjan Celibashi, Eglantina Gjermeni, Milena Harito, Klajda Gjosha, Erion Veliaj, Edmond Haxhinasto dhe Nasip Naço, Komisioni Qëndror i Zgjedhjeve miratoi sot emrat e tjerë që janë në listën shumemërore të zgjedhjeve parlamentare të 2013.      

KQZ vendosi që mandatin e deputetit në vend të Erjon Veliajt në qarkun e Gjirokastrës ta marrë Vladimir Kosta, mandatin e Ilirjan Celibashit në qarkun e Fierit ta marrë Anduel Xhindi, mandatin e Milena Haritos në qarkun e Tiranës ta marrë Enkeleda Shkreli Shamku, mandatin e Eglantina Gjermenit në qarkun e Fierit ta marrë Adelina Rista, mandatin e Klajda Gjoshës në qarkun e Tiranës ta marrë Kejdi Mehmetaj dhe mandatin e Nasip Naços në qarkun e Beratit ta marrë Silva Caka.

Lajmi për dorëzimin e mandatit të deputetit nga 7 ministrat u bë i ditur dje nga ministri Celibashi në faqen e tij sociale Facebook ku shkruante se "me dorëzimin e mandatit të deputetit përmbushim një zotim politik për shmangien e funksioneve të dyfishta dhe përqendrohemi në rolet tona ekzekutive"

Kejdi Mehmetaj është deputetja më e re në Parlament. Ajo është vetëm 20 vjeçe në zgjedhjet e 23 qershorit dhe ka kandiduar në Njësinë nr. 10 në Tiranë. Ajo është nënkryetare e LRI-së.

Redaksia online
(sg/shqiptarja.com)

TAG:
• kqz