KQZ miraton kamerat regjistruese
në zgjedhjet e pjesshmë lokale

TIRANE - Zgjedhjet e pjeshme që do të mbahen nesër në komunën Rrethinë dhe Dardhas janë në përgatitjet e fundit. Komisioni Qendror i Zgjedhjeve në mbledhjen e djeshme shqyrtoi dhe miratoi me 4 vota pro projektvendimin “Për përdorimin e kamerave rregjistruese dhe të monitorëve për shfaqjen e fletëve të votimit në vëndet e numërimit të votave për zgjedhjet e pjesëshme për kryetar komune të datës 1 Shtator 2013”.

KQZ vendosi përdorimin e kamerave regjistruese dhe të monitorëve, për shfaqjen e fletëve të votimin, në vendin e numërimit të votave për zgjedhjet e pjesshme të datës 1 shtator. Ky proces është përdorur edhe në zgjedhjet pararendëse dhe tashmë KQZ disponon pajisjet kryesore të nevojshme për realizimin e tij.

Ndërkohë në mbledhjen e dy ditëve më parë KQZ ngriti shqetësimin për neglizhencën e partive politike për të paraqitur anëtarët për qendrat e votimit dhe grupet e numërimit, duke vënë në rrezik proçesin. Hysen Osmanaj, apeloi partitë politike të zbatojnë kodin zgjedhor ose në të kundërt do të përballen me penalitete. Nesër pritet që qytetarët e këtyre dy komunave të zgjedhin kryetarin e tyre.

Shkrimi u botua sot në Gazetën Shqiptarja.com (print) 31.08.2013
 
Rdaskia Online
(b.m/shqiptarja.com)

TAG:
• kqz