KQZ miraton listat shumëemërore
të 16 partive politike

TIRANË - KQZ miratoi sot pasdite listat shumemërore të 16 partive politike, të cilave ishin kthyer nga KQZ për plotësim dokumentacioni.

Partitë e regjistruara sot janë:

Partia Komuniste
Partia për Unitet Kombëtar
Partia e Gjelbër
Partia Konservatore
Partia Ligj për Drejtësi
Partia Lëvizja për Drejtësi e Shqiptarëve
Partia Popullore Kristian-Demokrate
Partia Mendimi i Djathtë Liberal
Partia Social Punëtore
Partia Lëvizja Demokratike për Ndryshim
Partia Lidhja Demokristiane Shqiptare
Partia Lëvizja Shqipëria e Re
Partia Ardhmëria Shqiptare
Partia Arbnore Kombëtare

Si përfundim drejt zgjedhjeve të 23 qershorit shkojnë 66 parti.

GJOBË PARTISË KRISTIAN-DEMOKRATE
Meqë në 8 zona zgjedhore nuk respektoi kriterin e ndarjes gjinore (30% të kandidateve gra), KQZ gjobiti Partinë Kristian-Demokrate me gjobë 8 milionë lekë.

 

REFUZOHET KANDIDATJA E PAVARUR NË VLORË
KQZ ka refuzuar kandidaturën e kandidates së pavarur në qarkun e Vlorës, Laureta Gjoni, pasi ajo ka mbledhur 2828 zgjedhës si mbështetës, që do të thotë se ka rreth 32 nënshkrime më pak se kriteri i kërkuar nga Kodi Zgjedhor në raport me popullsinë e qytetit. “Në këto kushte lista e zgjedhësve mbështetëse nuk mund të pranohet", vendosi KQZ.

REFUZOHEN VËZHGUESIT "ALKU"

Një shoqatë, ALKU, ka paraqitur kërkesën për akreditimin e 120 vëzhguesve afatgjatë dhe 102 afatshkurtër për zgjedhjet e 23 qershorit 2013. Edhe pse kishte një përvojë në zgjedhjet lokale të 2011-s, kryetari i shoqatës, Edmond Stojku rezulton kandidat për deputet i Lëvizjes Socialiste për Integrim për qarkun e Tiranës. Në listë renditet në numrin rendor 18.

"Kjo përkatësi partiake bie ndesh me Kodin Zgjedhor, ku në nenin 6 përcaktohet se kandidatët e partive politike nuk kanë të drejtë të caktojnë vëzhgues", theksoi kryetarja e KQZ-së, Lefteri Lleshi. Ndërsa përfaqësuesi i PS-së në KQZ-së, Genci Gjonçaj, e mbrojti përfaqësimin, duke theksuar se "kryetari i shoqatës Stojku e ka bërë kërkesën në emrin e shoqatës jo tijin personal". Në fund kërkesa u hodh poshtë nga KQZ dhe ALKU nuk u miratua si vëzhguese e zgjedhjeve.

Redaksia Online
(ma/sg/shqiptarja.com)

TAG:
• kqz