POP 5

Lajmet më të lexuara të 5 minutave të fundit

Politikë

KQZ miraton regjistrimin e dy
koalicioneve në zgjedhjet e qershorit

Komisioni Qëndror i Zgjedhjeve ka miratuar regjistrimin e dy koalicioneve zgjedhore për 23 Qershorin: Koalicionin “Aleanca për Punësim, Mirëqënie dhe Integrim” si dhe atë të quajtur  “Aleanca për Shqipërinë Europiane”. Gjonçaj: Nuk ishte favor.
TIRANE - Komisioni Qëndror i Zgjedhje ka aprovuar sot, regjistrimin e dy koaliconeve të mëdha që do të marrin pjesë në zgjedhjet e 23 qershorit.

Gjatë shqyrtimit të koalicionit të majtë, u krijuan debate për dy probleme: partia e Pensionistëve kërkoi të çregjistrohej prej tij dhe t’I bashkohej koalicionit të djathtë, pasi sipas saj, ishte bërë gabim. Lidhur me këtë, përfaqësuesi i PS-së, Genc Gjonçaj tha se nuk ka kurrfarë problem kjo që po kërkohet, por Partia e Pensionistëve ka firmosur një letër për këtë bashkim.

Më pas, u rihap debate për firmën e hedhur në marrëveshjen me PS, Artur Dojaka, kryetari i Aleancës Popullore, i cili në datën 22 prill, rezultonte të mos ishte ende kryetar i partisë së tij. Edhe për këtë çështje, Gjonçaj deklaroi se nuk kishte arsye për të kundërshtuar firmën e tij, pasi në Kodin Zgjedhor nuk përcaktohej se duhej të ishte patjetër kryetari ai që firmoste marrëveshjen, por cilido anëtar i autorizuar.

GJONÇAJ: MIRATIMI I KOALICIONIT NUK ISHTE NJE FAVOR. KQZ, KY TEATER KUKULLASH

Gjithsesi, KQZ në përfundim i miratoi koalicionet por, përfaqësuesi I PS-së nuk u kënaq me këtë të ashtuquajturin “favor”. Ai tha për tv "A1Report!":
"Dje, pas përfundimit të mbledhjes për fakte jurike ne duhet të shpenzojmë orë të tëra debat kur mjafton një minutazh I vogël. Por sot, për të njëjtën parti, në një seancë si teatër kukullash, anëtarët e KQZ-së treguan se po na bëjnë një favor, se ka një problematikë lidhur me këtë parti,por dokumentacioni I paraqitur prej nesh ishte tërësisht I saktë. Kjo që ndodhi tregon se KQZ është larg të qënit arbitër dhe nuk ka pse të invesohet larg çështjeve të KQZ-së. Kjo tregon se janë në trysninë e PS-së për ta penguar këtë parti të garojë në krah të koalicionit të majtë. Gjasat tregojnë se ky komision e ka humbur legjitimitetin dhe është kthyer në veglën e fundit të partisë në pushtet".

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11