KQZ miraton rregulloren e
fletës së votimit për Fierin

TIRANE - Komisioni Qendror i Zgjedhjeve u mblodh sot për të diskutuar në lidhje me rregulloret e fletës së votimit. Kompania që përgatit softin në Fier, këshillon që teknikisht kutia, ku do të vendoset shënimi i votuesit të jetë 4 mm brenda një kuadranti të përcaktuar prej 8 mm. Në këtë mënyrë i jepet mundësia votuesit të dalë jashtë kufijve pa cënuar numërimin.

Gjithashtu, kompania ka sugjeruar mospërdorimin e variantit vertikal, nëse do të ketë më shume se 42 subjekte, sepse do të përmbyset e gjithë puna që ata do të bëjnë për softin deri në momentin e testimit paraprak. Nëse subjektet politike do të jenë më pak, do të ruhen parametrat ekzistues, por do të ketë një boshllëk në zonën nën 32.

Në fund të mbledhjes, Komisioni Qendror i Zgjedhjeve me votim ka miratuar të gjitha pikat e rregullores duke e vënë edhe një here theksin se zgjidhja e problemit të kuadratit të përcaktuar është një nga më të rëndësishmit.

Redaksia Online
(Gre.M/Shqiptarja.com)

TAG:
• kqz