TIRANË - Komisioni Qendror i Zgjedhjeve në mbldhjen që do të mbajë sot pritet që të miratojë një sërë vendimesh të rëndësishme që kanë të bëjnë me zgjedhjet e pjesshme në Korçë.

Bëhet fjalë për emërimin e kryetarit të KZAZ npër zgjedhjet në Korçë, si dhe kryetarin e KZAZ në komunën Karbunarë. “Miratimi i modeleve të dokumenteve që do të përdoren nga grupi i numërimit dhe komisioni i zonës së administrimit zgjedhor për nxjerrjen e rezultateve të zgjedhjeve, për zgjedhjet e pjesshme të datës 03.11.2013.

Miratimi i modelit të fletës së votimit për zgjedhjet e pjesshme për kryetar që do zhvillohen më datë 03.11.2013. Hedhja e shortit për shqyrtimin e kërkesës ankimore nr.43, me objekt  kundërshtimin e vendimit të KZAZ-së nr.71, për regjistrimin e kandidates për kryetar bashkie të propozuar nga subjekti zgjedhor FRD”, për zgjedhjet e pjesshme për kryetar të Bashkisë Korçë”, thuhet në rendin e diskutimit të mbledhjes së sotme në KQZ.


Shkrimi u publikua sot(08.10.2013) në gazetën Shqiptarja.com(print)

(v.gj/shqiptarja.com)