POP 5

Lajmet më të lexuara të 5 minutave të fundit

Politikë

KQZ: Partitë vetëm nga një
vëzhgues në KZAZ, koalicionet 3

KQZ pritet që të shqyrtojë dhe të miratojë të hënën një sërë vendimesh të rëndësishme për procesin zgjedhor rë 23 qershorit që kanë të bëjnë me vëzhguesit e partive e koalicioneve politike.
TIRANE - KQZ pritet që të shqyrtojë dhe të miratojë të hënën një sërë vendimesh të rëndësishme për procesin zgjedhor rë 23 qershorit që kanë të bëjnë me vëzhguesit e partive e koalicioneve politike. Në udhëzimin e ri të hartuar nga administrata e KQZ, propozohet që çdo koalicion ka të drejtë të caktojë jo më shumë se tre vëzhgues në çdo KZAZ, KQV e për çdo tavolinë, ndryshe nga udhëzimi i mëparshëm që lejonte që të ishin vetëm nga një vëzhgues.

“Çdo parti mund të kërkojë akreditimin vetëm të një vëzhguesi në KZAZ e KQV dhe çdo koalicion zgjedhor mund të kërkojë akreditimin e jo më shumë se tre vëzhguesve në KZAZ e KQV. Vëzhguesi/vëzhguesit e subjekteve zgjedhore, të akredituar në KZAZ, mund të vëzhgojnë procesin zgjedhor dhe në QV të ZAZ”, thuhet në relacionin e KQZ.

Ndërsa një tjetër vendim i rëndësishëm që pritet të miratohet është pikërisht dhe listat me emrat e propozuar nga partitë për anëtarë dhe sekretarë të KZAZ. Sipas përcaktimit që ka bërë Kodi dy partitë më të mëdha në Parlament PD dhe PS propozojnë për anëtarë dhe sekretarë, ndërsa LSI dhe PBDNJ propozojnë vetëm anëtarë të këtyre komisioneve.

“PD e PS kanë të drejtë të paraqesin secila propozim për dy anëtarë të KZAZ. LSI dhe PBDNJ kanë të drejtë të paraqesin secila propozim për një anëtar të KZAZ-së. PD i lind e drejta të propozojë anëtarin e shtatë në KZAZ me numër çift, ndërsa PS të Shqipërisë i lind e drejta të propozojë anëtarin e shtatë në KZAZ me numër tek”, thuhet në relacion.

PD e PS kanë propozuar nga 270 emra për anëtarë dhe sekretarë të KZAZ, ndërsa LSI dhe PBDNJ nga 92 emra vetëm për anëtarë. Do shqyrtohet dhe projektvendimi “Për ngritjen dhe thirrjen e mbledhjes së parë të KZAZ për zgjedhjet”.

Shkrimi u botua sot në gazetën Shqiptarja.com (print) 22.03.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Greqia duhet pa kushte në krah të Shqipërisë drejt BE-së dhe pyetjeve që nuk iu përgjigjet kryeministri Mitsotakis dhe tanët

Greqia duhet pa kushte në krah të Shqipërisë drejt BE-së dhe pyetjeve që nuk iu përgjigjet kryeministri Mitsotakis dhe tanët

10 Janar, 14:22 nga Alba Malltezi