POP 5

Lajmet më të lexuara të 5 minutave të fundit

Politikë

KQZ rishpërndan fondin prej 142
milion lekë për 12 parti politike

Komisioni Qendror i Zgjedhjeve vendosi të premten të rishpërndajë fondin prej 142 milion e 500 mijë lekë 12 partive politike, në formën e ndihmës financiare për periudhën prill-dhjetor 2014.
Fondet e dhëna nga Komisioni Qëndror i Zgjedhjeve për Partitë Politike kanë shkuar dhe për katër forca që janë jashtë Parlamentit. Këto forca kanë përfituar nga ndryshimet në ligjin “Për Partitë Politike” të miratuar në muajin shkur, duke marrë pjesë nga buxheti i akorduar nga buxheti i shtetit për forcat politike. Komisioni Qëndror i Zgjedhjeve ka rishpërndarë dje fondet vjetore për Partitë Politike, ku pjesë e forcave aktuale në Kuvendit e Shqipërisë, buxhet ishte caktuar edhe për 4 parti jo parlamentare që kanë marrë nga buxheti i përgjithshëm rreth 20 milionë lekë të reja.

Ndonëse në buxhetin e shtetit për vitin 2014 ishte parashikuar buxheti që do të shpërndahej mes 8 forcave politike, KQZ duke marrë në konsideratë ndryshimet e bëra në ligj ka bërë dje një rishpërndarje të këtij fondi me vlerën 142 milionë e 500 mijë lekësh për 12 forcat politike. Kjo rishpërndarje e fondeve për partitë politike është dhënë në formën e ndihmës financiare nga KQZ për periudhën prill-dhjetor 2014. Vendimi i KQZ-së ishte në mbështetje të ndryshimeve ligjore të miratuar për financimin e partive politike.

Me propozim të deputetit Nard Ndoka ligji pësoi ndryshime duke bërë që të gjitha subjektet politike që arrijnë të marrin mbi 10 mijë vota në zgjedhjet parlamentare të përfitojnë nga ndihma financiare që KQZ jep për këto parti. Kështu krahas 8 forcave kryesore politike Partisë Socialiste, Partisë Demokratike, Lëvizjes Socialiste për Integrim, Partisë Drejtësi, Integrim dhe Unitet; Partisë Republikane; Partisë Bashkimi për të Drejtat e Njeriut; Partisë Kristian Demokrate dhe Frymës së Re Demokratike që do të përfitonin nga ky fond, shtohen edhe Partia Demokracia Sociale; Partia Social Demokrate; Partia Demokristiane e Shqipërisë dhe  Aleanca Kuq e Zi. 

Redaksia Online
(g.f/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27