KQZ-Teliti: Po rritet artificialisht numri i votuesve në bashkitë e mëdha


TIRANË, 4 Maj /ATSH-Në mbledhja e sotme të KQZ, specialisti i gjendjes civile, Armand Teliti, ka mbajtur raportin mbi verifikimin e veprimeve në bazën e të dhënave të Regjistrit Kombëtar të Gjendjes Civile, maj 2015.
Sipas Telitit, në Durrës po rritet artificialisht numri i votuesve. Ai tha se janë nënshkruar kontrata qiraje nga ndërmarrja komunale e Durrësit dhe se vetëm në muajin prill, në Durrës janë shtuar 2200 persona."Ka një rritje jo natyrale të numrit të zgjedhësve në mars dhe prill në bashkinë e Durrësit. Sipas konfigurimit të ri, në bashkinë e Durrësit ka patur mesatarisht 83 votues në muaj shtese. Nga ekstrakti shkurt deri në mars ka patur mbi 200 votues të shtuar. Në bashkitë e tjera, situata eshte tërësisht e ndryshme, psh. në bashkinë e Elbasanit ka 162 votues të shtuar. Në Tiranë, ne periudhen mars-prill  ka patur 1305 zgjedhës të shtuar", theksoi ai.
"Në përfundim të këtij auditimi, ekziston një dyshim se ndodhemi përpara një zhvendosje të votuesve për qëllime elektorale. Ndodhemi përballë një krimi elektoral", tha Teliti.
Sipas tij, kjo lëvizje është bërë me qëllim, duke hedhur dyshimet se kjo gjë është bërë nga kryetari aktual i Bashkisë Durrës, Vangjush Dako."Janë firmosur kontrata qiraje nga Ndërmarrja Komunale Plazh, e cila është nën administrimin e Bashkisë. Po ashtu, jane bere kontrata me Bashkinë e Durrësit, në godina që dihet botërisht se janë të zëna nga persona të tjerë. Kontratat e sipërmarrjes nuk janë kontrata që mund të bëhet një leje banimi. Në momentin që në kontratën e sipërmarrjes thuhet që godina do t'i vihet në dispozicion blerësit 15 muaj pas nënshkrimit, nuk mund të shkojë të banojë pa përfunduar. Sipas ligjit, qytetari duhet të banojë realisht aty dhe duhet që të bëjë deklarimin 30 ditë pasi ka blerë ose ka firmosur një kontratë qiraje", tha Teliti. ./i.v//a.ke/
 
 

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë