POP 5

Lajmet më të lexuara të 5 minutave të fundit

Politikë

KQZ, thellohet kriza e "Indras"-s
Biba: As unë s'e kam parë kontratën

Thellohet përplasja mes opozitës dhe KQZ-së mbi çështjen e kontratës me kompaninë “Indra” për projektin pilot të verifikimit dhe identifikimit të zgjedhësve. Vetë Nënkryetari i KQZ-së, Biba, ka pohuar se nuk e ka parë as vetë një kopje të saj.
TIRANË - Thellohet përplasja mes opozitës dhe KQZ-së mbi çështjen e kontratës me kompaninë “Indra” për projektin pilot të verifikimit dhe identifikimit të zgjedhësve.

Kryetarja e Komisionit, Lefteri Lleshi, e pyetur për akuzat e disa ditëve më parë të përfaqësuesit ligjor të PS-së për mostransparencë të këtij institucioni, ka dhënë vetëm këtë koment: “Z.Gjoncaj mund të thotë ç’të dojë, z. Gjonçaj është z.Gjonçaj”.

Pavarësisht deklaratës së kreut të KQZ-së se opozita duket se kërkon të dijë më shumë për kontratën e lidhur mes Komisionit dhe kompanisë spanjolle “Indra”, vetë nënkryetari ka pohuar se nuk e ka parë as vetë një kopje të kësaj kontrate dhe as kontratën e parë për numërimin e fletëve të votimit në qarkun e Fierit. “Për aq sa më takon, mund t’ju them që as unë s’e kam parë një kopje të kësaj kontrate e as asaj të parës. Dje është përgatitur një set për anëtarët e minorancës e sot do të vihem në dijeni; mund të ketë elementë konfidencialiteti . Komisioni ka qënë i spostuar në këtë çështje, pasi është ngritur një tjetër komision i posaçëm me përfaqësues të KQZ-së, AKSH-it dhe ministrisë së Brendshme .

Procesi është process. Unë e kam shprehur gjithmonë shqetësimin tim. Konstituimi me vonesë i KQZ-së dy muaj do të ketë impaktin e vet.

Administrata s’duhet të kish pritur konstituimin e trupës së KQZ-së, sepse sikundër ju thashë, jemi larg procedurave.

I pyetur nga “A1 Report!” edhe për 132 vendet private të votimeve në 5 qarqe, Biba u shpreh se qendrat e votimit, nëse vendosen në ambiente private, do të shihen me përgjegjësi të madhe për të përmbushur kriteret në mënyrë që të mos cenohet procesi.

“Do të jemi skrupulozë në përmbushjen e ligjit për përzgjedhjen e këtyre qendrave të votimit. Disa ditë me parë, administrata e KQZ-së u ka dorëzuar një draft, anëtarëve dhe përfaqësuesve ligjorë me propozimet për qëndrat private të votimeve”, - përfundoi ai.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Alarmoi RENEA-n, ja çfarë u gjet në apartamentin e katit të 8-të tek Astiri (VIDEO)

Alarmoi RENEA-n, ja çfarë u gjet në apartamentin e katit të 8-të tek Astiri (VIDEO)

10 Janar, 14:39