KQZ, trajnim të veçantë
administratës për zgjedhjet e 2015
Administrata e Komisionit Qendror të Zgjedhjeve si dhe të komisioneve të tjera përgjegjëse për proceset zgjedhore do të trajnohen me një program të veçantë kompjuterik, gjë që do të mundësojë edhe lehtësimin në komunikim mes komisionerëve për zgjedhjet e ardhshme.
TIRANE- Administrata e Komisionit Qendror të Zgjedhjeve si dhe të komisioneve të tjera përgjegjëse për proceset zgjedhore do të trajnohen me një program të veçantë kompjuterik, gjë që do të mundësojë edhe lehtësimin në komunikim mes komisionerëve për zgjedhjet e ardhshme. KQZ ka prezantuar gjatë mbledhjes së djeshme programin kompjuterik për Sistemin e Manaxhimit të të Mësuarit (Learning Management System, LMS). Kryetarja e KQZ-së, Lefterije Luzi (Lleshi) tha se ky sistem, do të shërbejë për mësimin në distancë dhe ata që do ta shfrytëzojnë këtë sistem janë kryesisht anëtarët e komisioneve zgjedhore të shpërndarë në të gjithë vendin, si të komisioneve të ZAZ-ve, të QV-ve dhe grupet e numërimit.
“Sistemi i Manaxhimit të të Mësuarit (Learning Management System), mund të përdoret dhe nga grupe të tjera të interesuara, në varësi edhe të mundësive teknike që KQZ do të administrojë në të ardhmen. Në këto target grupe mund të jenë përfaqësues të subjekteve zgjedhore, vëzhgues të ndryshëm e të tjerë”, tha kryetarja e KQZ. Aktualisht administrata e KQZ-së është duke e testuar sistemin dhe synohet që para zgjedhjeve të ardhshme për organet e qeverisjes vendore, të vitit 2015, të jenë përgatitur të gjitha kurset e nevojshme dhe të jenë vënë në dispozicion të grupeve të interesit, për t’i përdorur për rritjen e njohurive të tyre zgjedhore. Sistemi i Manaxhimit të të Mësuarit online (Learning Management System) është një program kompjuterik i përgatitur me mbështetjen financiare të USAID dhe atë teknike të IFES.
Mandati Pas një maratone të gjatë dorëheqjesh në Kuvend nga kandidatet femra për deputete në Qarkun e Durrësit, mandati i deputetit të Lëvizjes Socialiste për Integrim i kaloi kandidatit në listën shumëemërore, Bujar Dervenit. Ky vendim u miratua me katër votat e anëtarëve të KQZ mbledhjen e djeshme. Në fillim mandatin për deputete në këtë qark e fitoi kandidatja Silvana Maskuti, dorëheqja e së cilës e pasoi mandatin e deputetes te kandidatja e radhës Merita Kuçi, dhe më pas përfundoi te Klodjana Pashkaj.
Por as Pashkaj nuk e mbajti mandatin e deputetes duke ia kaluar kandidates në radhë në listën shumëemërore për deputete në këtë qark, Ermira Koçi. Pas Koçit, mandati i kaloi ministrit të Bujqësisë Edmond Panariti, i cili sipas marrëveshjes me PS-në, që çdo ministër duhet të japë dorëheqje nga mandati i deputetit dhe të mbajë vetëm postin ministror, ai e la të enjten mandatin e deputetit për të mbajtur postin ministror. Vakanca e krijuar në grupin parlamentar të LSI-së pritet që të plotësohet seancës parlamentare të së enjtes, ku do të bëjë betimin edhe deputeti më i ri i këtij grupi, Bujar Derveni.
Shkrimi u publikua sot (25.02.2014) në gazetën Shqiptarja.com (print)
Redaksia Online
(d.d/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.1%
-
Jo
19.1%
-
Ndoshta
11.8%
Vota total: 2379
Votat totale janë unike
Lajme të tjera
-
Zgjedhjet në Himarë/ 23 mijë e 74 qytetarë me të drejtë vote! KQZ miraton numrin e fletëve të votimit
20 Korrik, 13:00
-
Zgjedhjet në Himarë, Kolegji Zgjedhor: KQZ të paraqesë projektvendim të ri për afatet
17 Korrik, 14:55
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58
-
Zgjedhjet në Himarë/ Celibashi nuk tërhiqet: Heqja e mandatit të Belerit, e drejtë! Vendimi i komisionit rregullator nuk pengon procesin
11 Korrik, 14:38
-
Opozita merr shumicën e komisionerëve të KZAZ në Himarë
11 Korrik, 14:00
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35
-
‘Zgjedhorja’ ambasadori i OSBE-së apel: Emigrantët të votojnë! PD-PS pranojnë dështimin e Reformës, fajësojnë njëra-tjetrën
9 Korrik, 10:23
-
Mero Baze: Pse PD është shqetësuar nga zgjedhjet e reja të 4 gushtit
5 Korrik, 21:03
-
Fatura e zgjedhjeve të 2025-ës më 'e kripur' se e 2021! Qeveria planifikon 20 mln euro, por KQZ kërkon 66 mln euro: Për teknologjinë, votim elektronik në 8 bashki
5 Korrik, 14:05
-
U dënua për blerje votash, Fredi Belerit i hiqet mandati si kryetar i Himarës! Mbrojtja: Ta shkarkonte Rama! Dule: Vijojmë përballjen ligjore
5 Korrik, 10:02
-
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30
-
Fredi Beleri kërkon të jetë në seancë, shtyhet për nesër vendimi i KQZ për mandatin si kryebashkiak i Himarës
4 Korrik, 11:29