KQZ zyrtarizon Sazan Gurin si kandidat të pavarur për kryetar bashkie për Tiranën

Komisioni Qendror i Zgjedhjeve  ka pranuar zyrtarisht Sazan Gurin si kandidat te pavarur për kryetar bashkie të Tiranës, duke votuar unanim me shtatë vota pro.
Kandidati për kryetar bashkie për Tiranën, Sazan Guri, nëpërmjet statusit të tij Facebook, shkruan se "KQZ me date 11/05/2015 ora 13:35, me 7 vota pro (asnjë kundër) miraton kandidaturën e prof. Sazan Gurit për kandidat të Bashkisë së Tiranës". Gjithashtu, kandidati për Tiranën Guri, në komentin e tij shprehet mirenjohës ndaj firmëtarëve dhe shkruan se "falenderoj 7 mijë firmëtarët që mbeshtetën kandidimin tim për një Tiranë më të mirë. Falenderoj të gjithë përkrahësit, falenderoj edhe ata që për arsyet e tyre nuk mundën të mbështesin këtë nisëm. Pa ju të dashur qytetarë të Tiranës do të ishte e pamundur kjo gjë. Sinqerisht Sazan GURI", shkruan ai në postimin e tij.
Ndonese Komisioni Qendrorë i Zgjedhjeve nuk ka bërë publik lajmin dhe aktivitetin e mbledhjes së sotme të mesditës, vetë kandidati për bashkinë e Tiranës, Guri (deri më tani i vetëshpallur), njofton në statusin e tij Facebook, zyrtarizimin nga KQZ të kandidaturës së tij. /atsh/
 
 

TAG:
• kqz