POP 5

Lajmet më të lexuara të 5 minutave të fundit

Sport

Krahasimi/ Kukësi kampion dimri me po aq pikë sa sezonin e kaluar, Tirana me dyfishin e pikëve

Në krahasim me sezonin e kaluar vërehet sa ka një ngjeshje në klasifikim, ndërsa ndryshime të theksuara ka edhe në kreun e renditjes.

Të hënën kategoria Superiore uli siparin për këtë vit kalendarik me Kukësin që u shpall kampion dimri me vetëm një pikë më shumë se Bylisi i vendit të dytë. Ajo që bën përshtypje këtë vit është se kemi një ngjeshje në renditje, pasi nga vendi i parë deri në vendin e tetë diferenca është vetëm 10 pikë.

Në krahasim me vitin e kaluar në këtë pikë të sezonit ka një diferencë të theksuar si në pozicionet e para ashtu edhe në të fundit. Kampion dimri në fundin e 2018 shpallej Partizani që pas 17 ndeshjesh kishte 36 pikë, 4 më shumë se Teuta e vendit të dytë. Në vendin e tretë renditej Kukësi që ishte në të njëjtën kuotë pikësh sa është deri më tani, 31.

Skuadra që ka rritjen më të madhe është Tirana, e cila sezonin e kaluar në këtë pikë të kampionatit kishte 14 pikë dhe renditej e teta, ndërsa tani ka dyfishin dhe renditet e treta. Ndërkohë skuadra që ka trendin më negativ është Flamurtari, që këtë sezon rrezikon ndjeshëm rënien nga kategoria. Klubi vlonjat këtë vit ka grumbulluar vetëm 6 pikë dhe renditet i fundit, ndërsa sezonin e kaluar kishte 28 pikë.

Për t’u veçuar këtë sezon është numri i madh i trajnerëve të shkarkuar, me Tiranën dhe Luftëtarin që mbajnë rekord, duke qenë se pas 17 javësh kanë provuar nga tre trajnerë në pankinë. Në total nga fillimi i sezonit deri në ndërprerjen dimërore 10 skuadrat e Superligës i kanë drejtuar 18 trajnerë të ndryshëm.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mos harroni çadrat! Reshje shiu dhe dëbore në zonat malore, parashikimi i motit për këtë javë

Mos harroni çadrat! Reshje shiu dhe dëbore në zonat malore, parashikimi i motit për këtë javë

23 Dhjetor, 07:16