Alternativat që do u ofrohen shqiptarëve për zgjedhjet parlamentare nuk pritet të sjellin ndryshimin e shumëkërkuar. Analisti politik Afrim Krasniqi është skeptik për këtë çështje. Në një interviste për Report Tv ai bën një bilanc të punës së partive kryesore në vend.
“Përpjekja e mazhorancës për mandate të tretë është paradoks, do ishte e sforcuar. Sot mazhoranca ka 100% të pushtetit dhe synon të marrë mbi 50 plus 1 vitin tjetër, është absurde. I ka sot dhe ka kohë të provojë se është e aftë për të qeverisur vendin. Ka paradoks të madh te opozita, numri i kritikëve të qeverisë është i madh po këta nuk shkojnë te opozita sepse nuk ka alternativë dhe nuk dimë ende kush është në opozitë. Duken si një lloj bashkimi kryetarësh partish që nuk kanë votues nga pas. Nëse zgjedhim të keqen më të vogël, do kemi proces zgjedhor por nuk do kemi lajme të mira për shqiptarët dhe Shqipërinë”, tha Krasniqi.
Krijimi i KQZ-së së re për Krasniqin pritet të jetë molla e sherrit mes mazhorancës dhe opozitës dhe mund të rikthejë sërish në politikën e bojkotit.
“KQZ nuk ka një rol të madh vendimmarrës, sidomos me kompozimin e re e ka humbur rolin e centralizuar. Nëse nuk gjejnë kompromis për KQZ është e pritshme që politika e bojkotit të vazhdojë edhe në këto zgjedhje. Unë nuk pres që të zgjidhet në shtator, pres të jetë një histori e gjatë dhe gjithçka të vendoset nga diskutimet në Këshillin Politik por dhe ndërhyrja e ndërkombëtarëve”, tha Krasniqi.
Analisti është për një frymë dhe imazhe të reja, pasi sistemi nuk mund të ndryshohet me një pjesë të sistemit.
“Prurjet e reja politike janë diçka pozitive por në thelb fuqia e tyre për të përfaqësuar do të jetë minimale. Nuk mundet një pjesë e sistemit të ndryshojë sistemin. Do duhet të ketë një frymë të re dhe fryma e re përfaqësohet nga imazhet e reja”, tha Krasniqi.
Në nisje të sesionit parlamentar, Instituti i studimeve politike i drejtuar nga Afrim Krasniqi publikoi një bilanc të punës së Kuvendit sidomos gjatë periudhës së pandemisë.
“Parlamenti aktualisht gjatë këtij viti ka pasur numrin më të madh të akteve të miratuara. Numri rekord i ligjeve nuk përputhet me rolin që ka parlamenti në jetën publike dhe në sistemin politik në Shqipëri. Perceptimi i përgjithshëm ishte se parlamenti nuk arriti dot të ushtrojë funksionin kushtetues të kontrollit të ekzekutivit. Nuk pati seancë të posaçme pyetjesh, nuk pati interpelancë me kryeministrin në lidhje me specifikat e krizës dhe pati akte që në vend të çonin në një frymë konsensuale, çoi në një konflikt të ri politik që pritet të nisë dhe gjatë vjeshtës, janë ndryshimet kushtetuese dhe nisma të tjera të njëanshme”, tha Krasniqi.
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
