POP 5

Lajmet më të lexuara të 5 minutave të fundit

Politikë

Krerët e drejtësisë së re kërkojnë në unison ndryshimin e 7 ligjeve bazë të gjyqësorit, miratimi kushtëzohet nga PD

Krerët e SPAK, KLP, KLGJ, Prokurorisë dhe Inspektori i Drejtësisë i kërkojnë Kuvendit ndryshimin e ligjeve të miratuara në vitin 2016 si dhe Kodit Penal, Civil dhe Administrativ.

Krerët e drejtësisë së re kërkojnë në unison ndryshimin e 7 ligjeve bazë të gjyqësorit, miratimi kushtëzohet nga PD

Foto ilustruese

Krerët e disa organeve të rëndësishme të drejtësisë i kanë kërkuar Parlamentit ndryshimin e ligjeve kryesore të drejtësisë së re, të miratuara në vjeshtën e vitit 2016, pas ndryshimeve Kushtetuese. Report Tv mëson se ndryshimet ligjore janë kërkuar nga kreu i SPAK-ut Arben Kraja, Prokurori i Përgjithshëm Olsian Çela, Inspektori i Lartë të Drejtësisë Artur Metani, kreu i Këshillit të Lartë të Prokurorisë Alfred Balla si nga kryetarja e Këshillit të Lartë Gjyqësor Naureda Llagami.

Nisur nga problematikat e konstatuara në praktikë gjatë zbatimit të reformës në drejtësi gjatë 7 viteve, krerët e organeve të drejtësisë kanë propozuar ndryshime në ligjore në tre ligjet bazë; ligjin për organizimin e pushtetit gjyqësor, në ligjin për SPAK si dhe në ligjin për statusin e gjyqtarëve dhe prokurorëve, miratuar në vitin 2016. Krerët e drejtësisë i kanë propozuar Kuvendit gjithashtu nevojën për ndryshimin e Kodit të Procedurës Penale, Kodin e Procedurës Civile, Kodin Penal, miratuar në vitet 1995-1996, por që janë ndryshuar me dhjetëra herë gjatë viteve.

Krerët e drejtësisë kërkojnë gjithashtu nga Kuvendi ndryshimin e ligjit për gjykatat administrative dhe gjykimin e mosmarrëveshjeve administrative, miratuar në vitin 2012 nën presionin e fortë të Brukselit. Ndryshimet konkrete do të paraqiten në një paketë të veçantë, bashkë me analizën për domosdoshmërinë e miratimit nga Kuvendit.

Ndërkaq, përfaqësuesit e mazhorancës, anëtarë të Komisionit të Ligjeve, janë duke shqyrtuar nevojën ose jo për ndryshimin e ligjeve të drejtësisë. Megjithatë, ndryshimet e kërkuara në 7 ligje, kërkojnë një shumicë të cilësuar votash, ku si rrjedhojë kushtëzohen nga votat e Partisë Demokratike, e cila tashmë pothuajse kontrollohet nga Sali Berisha, i cili ndryshe nga Lulzim Basha, është një kundërshtar i përbetuar i reformës në drejtësi, bashkë me Ilir Metën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

25 Dhjetor, 20:04 nga Xhensila Nako