POP 5

Lajmet më të lexuara të 5 minutave të fundit

Politikë

Krerët e PS-së në rrethe:
Nano s'duhet të vijë në bazë

Kryetarët e PS të rretheve janë shprehur kundër lëvizjes së Nanos dhe i thonë jo takimeve të ish-kryetarit socialist nëpër rrethe me bazën e partisë, duke deklaruar se kryetar është Edi Rama dhe PS vepron vetëm në bazë të statutit. Ata akuzojnë Nanon se ka 'flirtuar' me Berishën.
Krerët e PS-së në rrethe:<br />Nano s'duhet të vijë në bazë
TIRANE- Deklarata e ish-kryeministrit Fatos Nano nuk është pritur mirë nga kryetarët e PS në rrethe. Në mënyrë të prerë ata janë shprehur se ish-kryetari socialist nuk ka vend në strukturat e bazës për të takuar socialistët, pasi PS e ka kryetarin, dhe ai është Edi Rama. Madje nuk janë kursyer që t'i kujtojnë ish-kryetarit të tyre për 15 vite me radhë që ka qënë rreshtuar përkrah Berishës dhe Metës përballë PS në të gjitha ballafaqimet elektorale të pas vitit 2005, duke bërë thirrje drejt qytetarëve që të mos votojnë PS madje duke deklaruar që nga e ka votuar partinë që e ka udhëhequr.

Duke i bërë thirrje të të vijojë turizmin e tij politik që ka bërë në tërë këto vite, krerët e PS në të gjitha rrethet janë shprehur se tashmë problemi kryesor i partisë është përgatitja për fitoren e zgjedhjeve të përgjithshme parlamentare të verës së ardhshme, në mënyrë që me kryeministrin Edi Rama të realizohet programi i ri qeverisës.

Ata janë shprehur se s'është sëmurë PS, por Nano nëse ka vullnet të kontribuojë për largimin e sëmundjes Berisha e jo të merret me PS. Njëherësh këtë pretendim të Ramës për të lëvizur në drejtim të bazës së partisë krerët e PS të rretheve e kanë cilësuar si një veprim qëe tenton përçarjen e partisë. Gjë të cilën pas gjithë këtyre viteve, PS nuk ia ka borxh Fatos Nanos, duke e akuzuar se pikërisht prej veprimeve të ish-liderit socialist PS është këtu e 8 vite në opozitë.

Në numrin e sotëm të gazetës "Shqiptarja.com" do të lexoni prononcimet e Pjerin Ndreut, kryetar i PS Tiranës, Xhevit Bushi, kryetari i PS Fier, Ulsi Manja, kryetari i PS Dibër, Selman Hodo, kryetari i PS Berat, Ylber Duraku, kryetari i PS Kukës, Edmond Leka, kryetari i PS për bashkinë Vlorë, Agustin Marku, kryetar i PS Lezhë, Astrit Halili, kryetari i PS Elbasan, Bujar Çela, kryetari i PS Lushnje dhe Pjetër Pjetri, kryetar i PS Mirditë.

Marre nga Shqiptarja.com
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tedi Blushi në versionin Vojo Kushi! Hipën sipër autobotit me ujë

Tedi Blushi në versionin Vojo Kushi! Hipën sipër autobotit me ujë

26 Nëntor, 18:14