Kreu i Dhomës së Tregtisë dhe Industrisë në Lezhë: Fushata elektorale po ndikon në turizëm! Uroj që pas 14 majit të kapin ritmin për fluksin e verës

Fushata elektorale po ndikon negativisht në sektorin e turizmit në Lezhë. Shqetësimi është ngritur nga kreu i Dhomës së Tregtisë dhe Industrisë Pashk Palokaj, sipas të cilit zonat turistike kanë nisur të frekuentohen por ka probleme të theksuara përsa i përket shërbimeve.

Përfaqësuesi i biznesit Pashk Palokaj shpreson se pas zgjedhjeve të 14-majit administrata e re e bashkisë ta kapi ritmin e punës dhe mos të mungojnë shërbimet për pushuesit që do të zgjedhin bregdetin e Lezhës për pushime verore.

“Uroj që pas 14 majit, administrata e re të kapë ritmin në drejtim të ofrimit të shërbimit, sidomos në sektorin e turizmit. Kjo periudhë do krijojë ato vakumet e veta me përshpejtimin e ofrimit të shërbimeve por mendoj dhe uroj që pas 14 majit të përshpejtohet. Të arrijmë në ritmin që fluksi të jetë i mirëpritur dhe të jemi të përgatitur”, tha Pashk Palokaj.

LEXO EDHE:
Shëngjin, rrezikonin të mbyteshin nga dallgët teksa peshkonin, shpëtohen 2 persona nga Policia Kufitare

Me rritjen e temperaturave numri i vizitoreve dhe pushuesve në bregdetin e Shëngjinit dhe Tales në Lezhë po vjen gjithnjë në rritje, ndërsa sezoni turistik pritet të hapet zyrtarisht në fund të muajit maj.

A.M./KT/Shqiptarja.com

TAG:
• Lezhe
• turizem
• Pashk Palokaj