Kreu i kishës katolike, Presidenti i Konferencës Ipeshkvnore të Shqipërisë, George Frendo ka bërë apel që të ketë më shumë kujdes për shëndetin e qytetarëve, pasi është rritur numri i personave të infektuar.
Në reagimin e tij, Frendo thotë se nuk mjafton vetëm apeli i Ministrisë së Shëndetësisë, pasi po përballemi me një kërcënim jo vetëm për jetën njerëzore dhe për punët, por edhe për demokracinë.
Reagimi i plotë:
JU LUTEM: MË SHUMË KUJDES PËR SHËNDETIN E POPULLIT!
Këtë thirrje e bëj i nxitur nga dashuria për popullin tonë dhe nga interesi për të mirën e përbashkët.
A nuk na shqetëson situata e tmerrshme e përhapjes së koronavirusit në vendin tonë? Ka shumë ditë, që dëgjojmë për një numër të infektuarish gati çdo ditë më të lartë sesa ditën e mëparshme. Çdo ditë infektohen mbi njëqind veta. Kur numri i të infektuarve ishte shumë më i vogël, u dhanë shumë urdhra për të shmangur rreziqet: asnjë makinë në fundjavë, shumë kufizime rreth daljes, autobusët nuk përdoreshin, një ditë madje dolën edhe kamionët ushtarake!!! Vërtetë, situata përshkruhej si një luftë!
Po tani? A jemi pajtuar me koronavirusin? Ose kemi frikë se më shumë kufizime do të krijojnë probleme për ekonominë e vendit? E çfarë duhet të ketë përparësi, ekonomia, apo shëndeti i popullit? Ministrja e shëndetësisë ka bërë shumë mirë, që shpesh herë ka apeluar për ruajtjen e masave për t’u mbrojtur kundër epidemisë. Por nuk mjafton fjala e Ministres.
Para disa ditëve, Atë Arturo Sosa, eprori gjeneral i Jezuitëve, tha se koronavirusi është një kërcënim jo vetëm për jetën njerëzore dhe për punët, por edhe për demokracinë. “Demokracia mund të jetë një nga viktimat e pandemisë nëse nuk bëjmë kujdes për situatën tonë politike”.
Ndoshta dikush mund të më akuzojë se po ndërhyjë në politikë? Jezusi ka afruar dhe shëruar shumë të sëmurë. Fatkeqësisht unë nuk e kam këtë aftësi! Por e kam për detyrë të flas për mbrojtjen e shëndetit të popullit tonë.
Ju lutem: më shumë kujdes për shëndetin e popullit tonë!
Komente
Lajme të tjera
-
Vigjilje Krishtlindjesh/ Imzot Dodaj mesazh politikanëve: Dezintoksikohuni nga politika e dhunës e vulgaritetit! Fëmijët kanë nevojë për familje e edukatorë
24 Dhjetor, 12:39 -
Kur Platoni shkruante për tiraninë pas demokracisë…
18 Dhjetor, 10:42
-
Dëshmia e Ipeshkvit Katolik të Shkodrës: Si ushtarët gjermanë, flinin e hanin në makina dhe mes popullit
14 Dhjetor, 22:40 -
Çfarë kemi frikë në të vërtetë ne shqiptarët?
9 Dhjetor, 12:14
-
At Luigj Paliq dhe Dom Gjon Gazulli shpallen martirë të Kishës Katolike me dekret të Papa Franceskut! Mbahet në Shkodër mesha e shenjtë
16 Nëntor, 14:34
-
Lezha përkujton martirët katolikë, at Ndoc Suma, Luigj Prenushi dhe Vinçens Prenushi
6 Nëntor, 16:15
-
Një librari në Tiranë me emrin e atit jezuit, Zef Valentini. Hapësira e re me botime të larmishme e gjithëpërfaqësuese
5 Nëntor, 13:54
-
Greqi/ Skandal në Kishën Katolike! Dy priftërinj përvetësuan 3 milionë euro dhe i investuan në lokalet e natës
24 Tetor, 15:56 -
Demush Shasha: Udhërrëfyesi për mbrojtjen e demokracisë
8 Gusht, 11:24
-
Papa Françesku miraton shpalljen e dy martirëve të tjerë shqiptarë
20 Qershor, 15:39 -
Zaloshnja: Ekonomi vs Demokraci
6 Qershor, 08:29
-
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16
Ati yne mos e ngaterroni Demokracine me Biblen Cfare duhet te beni ju dicka humane dhe shpierterore .Beni qe Populli te rrespektoje ligjet dhe te shkoje ne pune sado pak merr ,gjate muajve paga ndryshon Jo te merret me Droge dhe te beje vrasje Vellane e tije Duket se moret dore tek ish Komunizmi ,dhe flisni per demokraci qe eshte Laike ska lidhje me Fete
Përgjigju