POP 5

Lajmet më të lexuara të 5 minutave të fundit

Ekonomi

Kreu i KLSH në Kuvend: Mjekët e familjes dhanë ilaçe me rimbursim në emër të të vdekurve!

Gjatë raportimit në Kuvend të punës së KLSH në 1 vit, kreu i këtij institucioni Arben Shehu tha se auditimet kanë zbuluar disa skandale në sistemin shëndetësor dhe se kallëzimet e bëra në prokurori, në disa raste, as nuk janë pranuar. Abuzime të mëdha - tha ai - po ndodhin edhe në qendrat shëndetësore që lëshojnë receta ilaçesh me rimbursim në emër të pacientëve që kanë ndërruar jetë.

Skandali që shpërtheu në spitalin onkologjik është vetëm maja e ajsbergut – tha kreu i Kontrollit të Lartë Shtetëror, Arben Shehu, para deputetëve në Komisionin parlamentar të Ekonomisë, të cilëve u përpoq t’ua bëjë të qartë me shembuj konkret

“Situata në onkologjik është pika fundore e përgjegjësisë. Ne kemi edhe raste ku janë bërë trajtime për shtetas që nuk jetojnë më”, tha Shehu.

Këtu Shehu i referohet një auditimi të KLSH-së për të cilin është dhe kallëzim, kryer tek Fondi i Sigurimit të Detyrueshëm të Kujdesit Shëndetësor, ku ka rezultuar se në vitet 2021-2022, se nga mjekët e familjes janë lëshuar receta me ilaçe rimbursimi për 60 qytetarë (24 raste në 2021 dhe 36 raste në 2022) që kishin ndërruar jetë, me vlerë totale 372,361 lekë.

"A keni bere kallëzim penal për çështjen e onkologjikut", pyeti kreu i Komisionit të Ekonomisë, Eduard Shalsi

“Kallëzimi me Onkologjikun është bërë dhe për disa institucione të tjera”, u përgjigj kreu i KLSH-së.

Që institucionet shtetërore nuk marrin masa për sigurinë e qytetarëve, kreu i KLSH-së e argumentoi me dështimin sipas tij të Autoritetit Kombëtar të Ushqimit, që nuk bllokoi dot shitjet e akulloreve me Oksid Etileni, në vitin 2021, edhe pse kishte marrë dijeni nga autoritet e BE-së për përmbajtjen kancerogjene. Për pasojë thotë KLSH- u konsuamuan 13.2 ton akullore me lëndë të rrezikshme dhe nga tregu u tërhoqën vetëm 4.3 tonë.

“Nëse ne kemi institucione të papërgjegjshme, duhet të çojmë përgjegjësit përpara ligjit. Duhet ta kishit ngritur këtë shqetësim që atëherë si një alarm që të nderuar deputetë keni në dorë të ndërhyni”, tha Shalsi.

“Në vitin 2021 kemi bërë edhe për AKU kallëzim për akulloret jo në prokurorinë speciale, dhe është vendosur mos-pranim i kërkesës dhe jemi në proces ankimimi”, tha Shehu.

“Duhet të thërrasim AKU-në për ta dëgjuar. Duhet të bëjmë ballafaqim, dhe duhet ta shohim këtë situatë me shumë vëmendje”, tha Ekonomi.

Për shtimin e të prekurve me tumor, 6 mijë raste të reja cdo vit (ose 40% e rasteve të sëmundjeve të reja në vit) kreu i KLSH, kërkoi që Ministria e Shëndetësisë të zbulojë arsyet.

Gjatë prezantimit të raportit të KLSH për vitin 2023, Arben Shehu tha se audituesit kanë konstatuar 72.3 miliardë lekë dëm ekonomik për shkak të keq menaxhimit të fondeve publike dhe shkeljeve ligjore të kryera nga administrata shtetërore dhe vendore.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Falas sa krahu: 17/07/2024 11:30

    Dem i madh ekonomik 3000 euro total ne 2021 dhe 2022 nga mjeket e familjes per gjithe Shqiperine…. Gallata ne Shqiperi ska fund…. Bjeruni dhe korrini atyre mjekeve qe kane ngel se keta qe mbarojne tani shkollat e kane te qarte se ku do shkojne te punojne!

    Përgjigju
  • Edi: 16/07/2024 18:19

    Jam rritur me zoterine! Ka qene absolute, me integritet dhe i shkelqyer ne cdo aspekt! Kush e ka degjuar sot e ka kuptuar se eshte profesionist dhe atdhetare! Respekte A.Shehu!

    Përgjigju
    • Boti: 17/07/2024 00:26

      E vertete kjo qe thua. Por jo aq i vertete integriteti, kur ka marre shoket e vete ne pune qe mezi kalonin gjimnazin

  • Edi: 16/07/2024 18:10

    Hajdeee jo po ua ka fajin KLSH pse ben me se miri punen! Ore po shyqyr qe ka akoma njerez te mire qe e duan kete vend! Bravo drejtuesi i KLSH qe edhe pse po i nderpritej fjala, ruajti qetesine, foli me maturi dhe referuar ligjit per situtat e hasura! Respekte per Profesionistet e vendit tone!

    Përgjigju
  • xhei: 16/07/2024 18:00

    jemi kthyer ne derra cfare nuk hame dhe nuk flasim

    Përgjigju
    • Hajro Limaj: 16/07/2024 23:11

      Lexova me vemendje raportin e kryetarit te KLSH ne Komisionin e Kuvendit.Edhe pse shume gjera i kam lexuar u trondita sheme kur "mjekët e familjes dhanë ilaçe me rimbursim në emër të të vdekurve! " dhe " u konsuamuan 13.2 ton akullore me lëndë të rrezikshme dhe nga tregu u tërhoqën vetëm 4.3 ton ".Ky raport teper profesional, me fakte dhe argumenta,me perkushtim dhe atdhetarizem verteton se KLSH eshte ne nivelin me te larte te zbatimit te kushtetutes dhe misionit te saj.Me ne fund KLSH zbertheu organizatat e krimit te organizuar, korrupsionin dhe vjedhjet masive, fatkeqesisht edhe ne Mjekesi, jeten e njerezve.SPAKU, ME INFORMACIONET E KLSH, e ka sume me te lehte hetimin dhe procedimin e cakejve dhe mushkonjave qe behen trima ne kuvend kunder KLSH-se dhe SPAKUT, DY CLIRIMTARET E SHQIPERISE.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46