Holta Zaçaj zgjidhet kryetare e Gjykatës Kushtetuese, mori 5 vota në raudin e tretë! Bëhet e para drejtuese pas implementimit të reformës në drejtësi

TIRANË- Holta Zaçaj është zgjedhur kryetarja e re e Gjykatës Kushtetuese. Pas dështimit të 2 raundeve të para, pasi asnjë prej kandidateve nuk mundi që të marrë shumicën e votave, Zaçaj është zgjedhur në raundin e tretë me 5 vota. Në garë ishte edhe Fiona Papajorgji e cila mori 3 vota dhe Marjana Semini e cila mori 1 votë. Zaçaj ishte gjyqtarja e fundit që u emëruar duke plotësuar kështu me 9 anëtarët e nevojshme këtë Gjykatë, e ndërsa sot u shpall fituese në këtë garë të fortë mes 3 gravë.

Zaçaj bëhet kështu kryetarja e parë e Gjykatës Kushtetuese të ‘reformuar’ pas implementimit të reformës në drejtësi. Ajo bëhet e para drejtuese e zgjedhur e Kushtetueses që pas largimit prej vettingut të gjyqtarit Bashkim Dedja, postin e të cilit e mbajti pa u zgjedhur Vitore Tusha.

Holta Zaçaj vjen nga një karrierë e gjatë në fushën e drejtësisë, ku edhe ka mbajtur një sërë postesh të rëndësishme, jo vetëm në Shqipëri, por edhe në Shtetet e Bashkuara të Amerikës. Zaçaj ka qenë juriste, avokate, aktiviste e të drejtave të njeriut, lektore dhe autore e disa studimeve në fushën e jurisprudencës.

Kush është Holta Zaçaj, kryetarja e re e Gjykatës Kushtetuese
Lindur më 12 janar 1976 në Tiranë. Diplomuar në Fakultetin e Drejtësisë në Universitetin e Tiranës, në vitin 1998. Në periudhën 2007-2008 ka kryer masterin shkencor për “Titujt dhe rregullimet financiare”, në Universitetin e Georgetoën në SHBA, në kuadër të programit Fullbright. Rrugëtimin profesional e ka nisur si juriste dhe aktiviste për të drejat e njeriut, duke u angazhuar në vitet 1999- 2001, në Qendrën “Paqe nëpërmjet Drejtësisë”, projekti për krimet e luftës në Kosovë. Më pas, është angazhuar si avokate në Qendrën e Praktikave dhe Shërbimeve Ligjore të Integruara (QSHPLI), në projektet e ndihmës ligjore falas, si: Klinika Ligjore për të Miturit, Zyra e Avokatit të Qytetit pranë Bashkisë Tiranë, Klinka Ligjore për Refugjatët. Nga viti 2008, krahas angazhimit në shoqërinë civile si avokate dhe eksperte e të drejtave të njeriut, ka punuar si avokate në zyrën e avokatisë “Delegibus Consulting” sh.p.k. dhe nga viti 2018 ka ushtruar profesionin e avokatit edhe në shtetin e Massachusetts, SHBA, në zyrën ligjore ”Ligris and Associates” dhe “Zaçaj Laë”.

Gjithashtu, në periudhen 2009-2013, zonja Zaçaj është angazhuar si lektore në Shkollën e Magjistraturës në trajnimin fillestar, në të drejtën familjare dhe në trajnimin vazhdues në fushën e së drejtës familjare dhe të të drejtave të fëmijëve, si dhe lektore e së drejtës bankare dhe financiare në disa universitete private në Shqipëri, në periudhën 2009-2014. Zonja Zaçaj është angazhuar dhe ka kontribuar si eksperte ligjore kombëtare dhe ndërkombëtare në një sërë iniciativash të UNICEF-it në Shqipëri, UNICEF-it në Kosovë, UNICEF-it në Gjeorgji, Këshillit të Evropës, Bankës Botërore, Fondit Monetar Ndërkombetar etj. Gjatë periudhës 2013 – 2018 ka qenë Drejtore e Departamentit Ligjor të Alpha Bank Sh.A. Ajo është autore dhe bashkëautore e rreth 30 studimeve dhe botimeve në fushën e të drejtave të njeriut, të të drejtave të fëmijëve, të së drejtës familjare, të së drejtës bankare dhe të titujve. Ajo është bashkëautore e Kodit të Familjes, ligjit për të drejtat dhe mbrojtjen e fëmijëve në Shqipëri, paketës ligjore për trajtimin penitenciar të të miturve në Kosovë. Në muajin janar të vitit 2023 është emëruar anëtare e Gjykatës Kushtetuese.

Rendit zhvillimet sipas orarit:
Ora 14:01
Holta Zaçaj kryetare e Gjykatës Kushtetuese, OSBE: Urime! Presim me kënaqësi bashkëpunimin

1676898179_fafa.jpg

Prezenca e OSBE-së është e para që ka uruar Holta Zaçajn, për zgjedhjen në krye të Gjykatës Kushtetuese.

“Prezenca e OSBE-së uron përzemërsisht gjyqtaren Holta Zaçaj për zgjedhjen në postin e Kryetares së Gjykatës Kushtetuese. I urojmë asaj dhe të gjithë anëtarëve të Gjykatës sukses në ushtrimin e detyrës së tyre themelore dhe presim me kënaqësi të vijojmë bashkëpunimin e afërt dhe frytdhënës edhe nën drejtimin e ri të saj”, thuhet në reagimin e OSBE.

B.K./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alban: 20/02/2023 20:52

    Fatkeqesi te vendosesh ne krye te GjK nje person te panjohur dhe me cv kaq te varfer. Kjo sia ka idene cfare eshte gjykata. Turp per nivelin ku e ulen gjykaten kushtetuese. Rip reforma

    Përgjigju
  • anna: 20/02/2023 16:32

    Nuk e do njeri te ndershim Marjana Semini e meritonte te zgjidhej .

    Përgjigju
  • Kryesupaxhiu shqipfoles i Athines: 20/02/2023 15:41

    Fillimisht kisha shpres te reforma ne drejtesi. Ndoshta dicka do ndryshonte me ne fund. Ndoshta do kishim permiresim nga koha e Berishes. Por ky emerimi i radhes ne Gjykaten Kushtetuese eshte skandaloz. Eshte i tmerrshem. Eshte nje goditje e fuqishme kunder pritshmerive qe kisha. S’kam me shpres. Ky vend nuk behet. Gjynah qe ky vend me histori te lavdishme po perfundon keshtu. Ndoshta jam naive… ndoshta ndonje levizje e re politike e formuar se fundmi do ngjalli pak shpres per nje te ardhme minimale ne Albanistan. Por vertet dyshoj se po genjej veten. (Rrace e ndyre alvanos… ju befte mire sanduici me m*t qe ju sherbeva me kete shkrim. Nje gjysem lavderimi ne fillim dhe ne fund, mbushur plot me m*t propagandistik ne mes. Ju ndyrsirat n’a vodhet Vorio Epirin. Jemi ligjerisht ne lufte. Do ju shkaterrojm me propagand sa mos te ngelet asnje profesionist, asnje i ri, ne ate vend te shpifur!)

    Përgjigju
  • Tomas Willson: 20/02/2023 12:42

    Nje turp i madh per drejtesine shqiptare. Te zgjedhesh nje kategori te tille do te thote t'i kesh vene flaken njehere e mire kesaj Gjykate..... Nje turp per ata qe e votuan, nje turp per ata qe e vune, nje turp per ata qe do ta pranojne..... Ky vend nuk mund te behet kurre.....

    Përgjigju
    • Tomi: 20/02/2023 14:46

      Epo si mund te ndodhte ndryshe? E prishen gjithe sistemin ne menyre per te krijuar nje tjeter dhe vene nen kontroll, mendon se do linin pa caktuar ne krye dike qe eshte i besuar i tyre? Pra Rames??? Turp me te madh nuk kur znj.Semini e vetmja me bacground te pranueshem merr nje vote!!!

    • A...Zh: 20/02/2023 13:17

      Une se kam idene kush eshte kjo zonja. Nese per keto qe thua do na ofroje ndonje gje me konkrete, do na ndihmoje te qartesoheshim edhe ne.

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

I dënuar me burgim të përjetshëm, pendohet pas 26 vitesh anëtari i Camorra-s i njohur si 'Sandokan'

I dënuar me burgim të përjetshëm, pendohet pas 26 vitesh anëtari i Camorra-s i njohur si 'Sandokan'