POP 5

Lajmet më të lexuara të 5 minutave të fundit

Kronikë

Kreu i ri i Gardës së Republikës zgjidhet me konkurrim, PS bën gati ndryshimet e reja në ligj, ish zyrtarët mbrohen vetëm nëse u rrezikohet jeta

Kreu i Gardës së Republikës do të zgjidhet me konkurrim për të gjithë ata që plotësojnë kriteret. Ndryshimet ligjore janë gati të kalojnë në Kuvend, ku mes të cilave parashikohet edhe mbrojtje e personaliteteve vetëm nëse u rrezikohet jeta pas lënies së detyrës. Me konkurrim pritet të zgjidhet edhe kreu i Policisë së Shtetit.

Drejtori i Përgjithshëm i Gardës së Republikës pritet të emërohet përmes një procesi konkurrimi, i cili do të kalojë në faza në bazë të meritokracisë dhe për këtë tashmë ndryshimet ligjore janë në formën e një drafti që është depozituar në Kuvend dhe pritet të miratohen në vijim. Gara do të jetë e hapur për të gjithë ata që shfaqin interes për postin dhe për herë të parë kriteri që duhet të jenë punonjës të Gardës dhe me gradat “Drejtues i parë” ose “Drejtues i lartë” hiqet. Megjithatë, duhet të kenë përvojë pune jo më pak se 10 vjet në fushën e rendit ose sigurisë.

Pas përfundimit të procesit, njësoj siç u bë edhe me rastin e emërimit të drejtuesit të ri të Agjencisë së Mbikëqyrjes Policore, ministri i Brendshëm i kalon emrin Kryeministrit për emërim. Burime të Report Tv bëjnë me dije se e njëjta praktikë pritet të bëhet edhe me emërimin e drejtorit të përgjithshëm të Policisë së Shtetit. Aktualisht, ligji i policisë po përpunohet për t’u ndryshuar në nene të ndryshme dhe në mesin e tyre është edhe emërimi përmes një gare konkurruese të atyre që duan një post të tillë.

Ndryshimet e reja ligjore në ligjin për Gardën, të cilat mbajnë firmën e kreut të Komisionit të Sigurisë Kombëtare, Nasip Naço përfshijnë edhe disa nene të tjera. Nëse deri më tani, personalitetet e tjera, përveç kreut të Kuvendit, Presidentit dhe Kryeministrit, ruheshin me afate të përcaktuara nga Këshilli i Ministrave, me ndryshimet e reja një gjë e tillë do të bëhet vetëm nëse u rrezikohet jeta dhe shëndeti për shkak të detyrës që kanë mbajtur. E njëjta gjë vlen edhe për banesat e tyre.

Pak ditë më parë, ish-kreu i Gardës së Republikës, Gramos Sako, i paraqiti dorëheqjen ministrit të Brendshëm, pas 11 vjetësh në këtë detyrë. Arsyet e largimit mbeten të paqarta, ndërsa burime bëjnë me dije se pritet emërimi i tij në një tjetër post të rëndësishëm.

(Kliko këtu për të lexuar dokumentin e plotë)

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46