Krimi në familje, gjendja e dobët
ekonomike faktor kryeso

Krimi në familje, gjendja e dobët<br />ekonomike faktor kryeso
Dhuna në familje ka njohur rritje të denoncimeve në polici, teksa konfliktet brenda familjes vazhdojnë të nxisin krimin. Avokatja Vjollca Pustina tregon për Report Tv se gjendja e dobët ekonomike dhe faktorët socialë si: bixhozi, pirja e alkoolit etj, po ndikojnë në shtimin e këtyre rasteve.

Sipas Pustinës, denoncimet në polici duhet të trajtohen nga një sektor i specializuar që mos të nxitet më tepër konfikti mes palëve, përmes masave të menjëhershme që merren.
 
“Duhet të ketë një sektor ose ata të policisë që marrin kallëzimin duhet të jenë më të specializuar sepse kanë përballë konflikte në familje dhe sidomos dhuna në familje sepse në momentin e parë që shkojnë personat e dhunuar, merret kallëzimi dhe dhunuesi futet në burg. Mendoj që në rastin konkret acarohet situata, konfliktet janë më të mëdhaja por ka dhe raste që shkon bën kallëzimin në polici vjen në gjykatë dhe e fal burrin”, tha Pustina
 
Sipas Pustinës urdhrat e mbrojtjes që lëshohen nga gjykata për rastet e dhunës janë një mënyre për t’i parandaluar ato. Por zbatimi i tyre në mënyrë korrekte kërkon më tepër kujdes.
 
Shteti duhet të interesohet ose të përkujdeset më shumë që të gjejnë një zgjidhje kur merren urdhrat e mbrojtjes, ose të largojë njërën palë ose të largojë palën tjetër, sepse duke qenë të dy bashkë në një banesë në një konflikt të përhershëm detyrimisht përfundon tek krimi siç e dëgjuam edhe mbrëmë”, tha avokatja Pustina.
 
Në mesnatën e së dielës u shënua krimi më i fundit në familje, ku 74 vjeçari nga Shkodra, Beqir Xhilaj, qëlloi me çifte gruan e tij pas një konflikti. Lumturie Xhilaj, 47 vjeçe, ishte bashkëshortja e tretë e tij, e cila humbi jetën nga akti kriminal.

Redaksia Online
B.B/Shqiptarja.com

 

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Mero Baze: Berisha nuk ka humbur gjyqin, por ka provuar fajësinë

Mero Baze: Berisha nuk ka humbur gjyqin, por ka provuar fajësinë