POP 5

Lajmet më të lexuara të 5 minutave të fundit

Kronikë

Krishtlindja në Lezhë, kishat hapin dyert për besimtarët! 80 vjeçari: M'u rikthye e folura në kishë! Lutemi për kalimin e situatës së pazakontë

Paraditja e kësaj të enjte i ka gjetur besimtarët e krishterë në katedralen e Shën Nikollës në Lezhë. Ata shprehen se po lutem për mbarësi dhe sidomos largimin e kësaj situate të pazakonte që ka shkaktuar pandemia e Covid-19.

Besimi që ka te Krishti, e ka detyruar Pjetër Laçin të sfidojë peshën e viteve, por dhe frikën nga Covid-19 e ti drejtohet katedrales së "Shën Nikollës".

80-vjeçari tregon se në moshën 9-vjeçare i kishte ikur goja dhe sapo ka vizituar kishen e "Shna Ndout" në Laç është shëruar, ndaj nuk u ndahet ritualeve fetare.

"Unë kam qenë i sëmurë në fakt, më fal që po të tregoj historinë time. Jam sëmurë në oborr të shtëpisë në fshat kam qenë në fshat. Më ka shëruar kisha e Laçit. Kam shkuar atje dhe jam shëndoshur. Mu merrte goja, asnjë lloj emri as babë as nënë as ujë", tha Pjetër Laçi, besimtar.

Besimtarë të grupmoshava të ndryshme i janë drejtuar katedrales në vigjilje të Krishtlindjes. Lutjet shkojnë më së shumti për kalimin e kësaj situatë të pazakonte.

"I lutemi të madhit zot me na ndihmu e të na ruajë. Na ka rënë ky grip, dhe na shpëtuar i madhi zot. I lutem zotit natë e ditë. Më kanë vdekur 3 fëmijë", tha një qytetare.

"Unë lutem për fëmijët e mi në rradhë të parë dhe pastaj për të gjithë njerëzimin. Vij shpesh në kishë dhe besoj. Kam besim", shtoi një tjetër.

"Ne jemi çorientuar. Falenderoj zotin që vij në këtë kishë dhe lutemi për të gjithë njerëzimin, për të gjithë njerëzimin dhe emigrantët", vijoi dikush tjetër.

Për të shmangur grumbullimet e njerëzve në katedralen e "Shën Nikollës" në Lezhë mbahen dy mesha të shenjta për festen e Krishtlindjes.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu