Distancimi i Lulzim Bashës nga Sali Berisha dhe përjashtimi i këtij të fundit nga Partia Demokratike, me kërkesë të amerikanëve, po pasjellë kristalizimin e një poli të ri në politikën shqiptare, duke e çuar në tre grupet kryesore politike. Poli i tretë që po konsolidohet dita-ditës përfaqësohet nga Sali Berisha dhe Ilir Meta, të bashkuar në një front që në vitin 2018, kundër reformës në drejtësi dhe rolit të Perëndimit në Shqipëri.
Goditja e Sali Berishës nga SHBA në 19 maj 2021, lufta e tij e egër me Lulzim Bashën, shkërmoqja e LSI-së në zgjedhjet e fundit parlamentare, shkarkimi i Metës nga Kuvendi, mundësia e shkarkimit edhe nga Gjykata Kushtetuese si dhe disa sinjale për një goditje të Metës nga Uashingtoni, kanë afruar më tej Ilir Metën dhe Sali Berishën, të cilët po bashkojnë forcat për ekzistencën e tyre politike.
Ilir Meta i doli në mbrojtje Sali Berishës kur ky i fundit u shpall 'non grata' nga Shtetet e Bashkuara të Amerikës në 19 maj 2021, ndërsa sulmoi ambasadoren amerikane Yuri Kim dhe Soros, të cilët Berisha i ka kthyer në një alibi për të justifikuar klasifikimin e në listën e zezë. Prej tre vitesh, Ilir Meta dhe Sali Berisha kanë koordinuar luftën kundër reformës në drejtësi, akuzat ndaj SPAK, ndaj organeve të Vetingut, luftën për të shkarkuar Ardian Dvoranin, betejën për të emëruar anëtaret e tyre në Gjykatën Kushtetuese, mbrojtjen e gjyqtarëve dhe prokurorëve të shkarkuar si të korruptuar etj.
Në 14 janar 2021, Ilir Meta doli në një konferencë për shtyp, duke u pozicionuar në luftën brenda PD-së. Ashtu siç edhe pritej, Meta u pozicionua në krah të Berishës, ndërsa sulmoi Lulzim Bashën. Tashmë pozicioni dhe rreshtimi i palëve është i qartë. Testi i parë për të tre polet politike; për mazhorancën, PD-në zyrtare me Lulzim Bashën dhe binomin Berisha-Meta, pritet të jenë zgjedhjet e pjesshme lokale.
Presidenti Ilir Meta pritet të shpallë datën 27 shkurt ose 6 mars për zhvillimin e zgjedhjeve lokale. Po a do të dalin Sali Berisha dhe Ilir Meta me kandidatë të përbashkët në zgjedhjet e pjesshme lokale? Përgjigja mund reflektohet deri diku tek disa deklarata të ditëve të fundit të përfaqësuesve politikë pranë Berishës dhe Metës.
Së pari, Sali Berisha pritet të dalë me kandidatë paralelë me PD-në zyrtare në të 6 bashkitë ku do të shpallen zgjedhjet e pjesshme lokale. Në kushtet kur KQZ-ja njeh vetëm Partinë Demokratike zyrtare, Berisha mund të dalë me kandidatë të pavarur, mund të krijojë një parti të re politike ose mund të garojë përfaqësuesit e tij në emrin e LSI-së.
"Grupi i Rithemelimit është duke rikonsideruar që në momentin e parë kur do të mbahen zgjedhje ne do të dalim me kandidatë në të gjitha bashkitë. Puna sapo ka nisur, është në fazën përgatitore. Ka një statut PD është përcaktuar mënyra se si do të përcaktohet me kandidatët. Do të vendosim sipas statutit dhe si do të veprohet me kandidatët për zgjedhjet e pjesshme vendore. Në të 6 bashkitë, PD do të ketë përfaqësuesit e saj. Ne nuk njohim asnjë dokument e paçavure, të pengut e të shoqatës Alkatrazit", ka pohuar Flamur Noka, përfaqësues i grupit të Berishës.
Ndërkaq, Lëvizja Socialiste për Integrim, të cilën Meta ia ka lënë në administrim bashkëshortes Monika Kryemadhi, ka përjashtuar çdo mundësi bashkëpunimi me PD-në zyrtare që drejtohet nga Lulzim Basha. Në të njëjtën kohë, LSI-ja nuk e ka përjashtuar një marrëveshje me Sali Berishën dhe grupin e tij për zgjedhjet lokale. Mesazhi i artikulua sot nga ish deputetja LSI-së, Silva Çaka.
Nga ana tjetër, një koalicion mes PS dhe LSI-së duket i pamundur. Nisur nga rezultati dramatik në zgjedhjet parlamentare të 25 prillit 2021, LSI, nëse hyn e vetme në zgjedhjet, rrezikon të mos marrë asnjë nga 6 bashkitë. Por, Sali Berisha, mund të mos marrë asnjë bashki, pasi përballë do të ketë PD-në zyrtare dhe PS-së. Të gjitha këto rrethana politike dhe mesazhet e ditëve të fundit sinjalizojnë zyrtarizimin e aleancës Berisha-Meta, për të dalë me kandidatë të përbashkët.
Komente
Lajme të tjera
-
Toska zbulon në 'Studio Live': Basha do bashkohet me Berishën para zgjedhjeve! Haklaj: Nuk afrohet me non gratën! Ai po nis dhe Gaz Bardhin në burg
1 Nëntor, 21:03 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
PS i shtrin dorën e bashkëpunimit opozitës, Etjen Xhafaj: Gati të ulemi në tryezë me PD! Gazetarja: Jo për sy e faqe, duhet të ofroni diçka
1 Nëntor, 15:03 -
A do të bëhej avokat i Ilir Metës? Adriatik Lapaj: S'marr përsipër të përfaqësoj asnjë politikan të akuzuar për korrupsion (VIDEO)
1 Nëntor, 15:01 -
PD çon Ligjin për ‘Zonat e Mbrojtura’ në Kushtetuese, Zhupa për Report TV: Kthehen në beton, s’është politikë! S’mund të shndërrohen në vilat e oligarkëve
1 Nëntor, 14:42 -
Në mitingje sulmojnë SHBA-të si të korruptuara, por në takime me të deleguarën e ambasadës deputetët e PD i shkojnë ‘me vrap’!
1 Nëntor, 12:42 -
Tabaku për Progres-Raportin: Parlamenti si kalim me pengesa, ka përkeqësime! PS të marrë parasysh shqetësimet tona, ja pse s’e votuam deklaratën e përbashkët
1 Nëntor, 10:45 -
Ylli Pata: Modeli ballkanik i partive të liderëve të burgosur
31 Tetor, 20:16
-
Sqarim për protestuesit që thonë: Ta djegim Tiranën njësoj siç digjet Parisi, Athina, Berlini ……
31 Tetor, 17:54
-
Eduard Zaloshnja: Më pak votues për PS-në në Qarkun Tiranë, por edhe më pak për PD-në…
31 Tetor, 16:07
-
Ambasadori Gonzato i dorëzon Progres-Raportin, Tabaku: Parlamenti ka dështuar, ligje kundër frymës së BE! Opozita ka luajtur rol në procesin e integrimit
31 Tetor, 16:00
Ky poli i trete me kujton filmin /OPERACIONI ZJARRI/,ku aty nga fillimi, shfaqen mbetjet e reaksionit qe kthejne koken pas duke u terhequr e u larguar bashke me gjermanet.Keshtu jane katandisur keta te dy Sala me Liken.I pari i debuar e i mallkuar si nga PD zyrtare,si nga U.S.A,pa parti,pa program,pa ndertese zyrtare,i derrmuar,i yrryer nga shumica e popullit,as ne qiell,as ne toke;i dyti gati per t'u nxjerre jashte nga presidenca me << ceremoni>>, me nje mandate te mundeshme, me pasoja te renda nga te huajt, qe po i rri mbi koke si /shpata e Damokleut/,me nje parti me reputacion te keq, komplet te shparrtalluar,qe eshte e paafte te mbijetoje me vete dhe qe u eshte bere shushunje partive te tjera dhe e urryer nga te gjitha.Por gjithecka eshte relative,keta macoke pleq jane shume te medhenj dhe shume /macho/ per te ndare kafazin.Shpejt kane per t'ju hedhur ne fyt njeri-tjetrit,sepse tani i bashkon nevoja e mbijeteses,pasi t'a kalojne kete faze,kemi per te pare show.
PërgjigjuMos u nxitoni, poli i trete mund te bej zgedhje ne Rec. Pse vertete u shkon mendja se ujku e cakalli rrine brenda tufes se deleve? Kete e planifikojne keta dy te cmendur, qe s'gjejne vrime ku te futen. Koha do ta tregoje, jeni te lutur te braktisni shqiptaret ju te dy, qe ta bejne gjumin rehat, se me barkun bosh kane 31 vjet qe i keni katandisur, o vampira.
PërgjigjuU krijua poli anti Amerikan me Sali non graten dhe Like floririn.
Përgjigju