Kristjan Asllani me ide të qarta: Dua titullin te Interi

Kristjan Asllani kërkon titullin kampion me Interin në Serie A. Mesfushori i Kombëtares pritet të marrë më shumë minuta në fushë gjatë sezonit të ri dhe me gjasë ky do jetë trofeu i tij, të bindë Inzaghin që të jetë titullar në mesin e fushës së zikaltërve.

Në një intervistë të fundit për faqen e klubit, elbasanasi ka shpalosur edhe idenë e tij. Kërkon që të jetë kampion i Serie A me Interin.

"Është gjithmonë kënaqësi të rikthehesh dhe të takosh shokët. Më mungonte fusha kur isha me pushime dhe jam shumë i lumtur që kemi nisur përgatitjet për një tjetër sezon. Vitin e kaluar punova shumë dhe shokët e skuadrës më ndihmuan shumë për t’u përmirësuar, ndaj tani jam gati të marr më shumë përsipër", u shpreh Asllani, teksa ky dukej edhe si një "sms" për trajnerin.

LEXO EDHE:
Shkarkimi i Allegrit, Juventus ofertë për Thiago Mottën! Epokë e re mes lamtumirash dhe rinovimesh

Me idetë e qarta, Asllani do të bëhet kampion i Italisë me Interin.

"Këtë sezon kemi si objektiv të fitojmë titullin kampion. Kemi nisur përgatitjet dhe do të vijojmë të punojmë shumë për t’ia dalë", deklaroi Asllani mes të tjerash.

S.DH/Shqiptarja.com

TAG:
• serie a
• Legjionaret
• Inter
• kristjan asllani