Gjosha kritikoi Soreca-n, tani Brukseli konfirmon qëndrimin e ambasadorit

Përfaqësuesi i politikës së jashtme të BE-së, osep Borrell i ka dalë në krah ambasadorit Luigi Soreca mbi qëndrimin e tij në procesin e integrimit të Shqipërisë në BE. Kjo menjëherë pas kritikave të bëra nga ish-ministrja e Integrimit, Klajda Gjosha drejt ambasadorit ku u shpreh se nuk ka përputhje mes asaj që thotë Komisioni dhe Soreca.

"Ajo që më ka bërë vaki është sesi ka një mospërputhje të asaj që thotë Komisioni dhe Soreca në Tiranë. Zoti Soreca thotë se puna e qeverisë në përmbushjen e kushteteve është optimiste, ndërsa nga Brukseli nuk është i njëjti përceptim" - ka deklaruar Gjosha mbrëmjen e djeshme në një intervistë televizive.

LEXO EDHE:
Mero Baze: Beteja këmbëngulëse e Ramës ndaj një reportazhi të RAI

Ndërkohë Josep Borrell këtë të martë deklaroi se e mirëpret angazhimin e Shqipërisë drejt BE-së duke treguar që ishte në të njëjtën linjë me Soreca-n

"Unë e mirëpres angazhimin e Shqipërisë për të ecur përpara në rrugën e pranimit në BE. Siç diskutohet me kryeministrin Rama, është thelbësore të ruhet dinamika e marrëdhënies BE-Ballkan Perëndimor. Me Shqipërinë që luan një rol të rëndësishëm" - shkruan Borrell.

Lajmi kryesor:

Komisoneri i BE për Zgjerim, Varhelyi dhe Josep Borrell bisedë me Ramën: Presim që Shqipëria të përparojë në rrugën drejt unionit

E.M./Shqiptarja.com

TAG:
• edi rama
• integrimi ne be
• Olivér Várhelyi