Partia Demokratike ka dërguar në Kuvend një kërkesë për ngritjen e një komisioni parlamentar për çështjet e Energjisë dhe Aksionit për Klimën. Përmes këtij komisioni, PD kërkon që të përmirësohet legjislacioni dhe të mbikëqyren politikat dhe masat e qeverisë lidhur me krizën kur çmimet e energjisë elektrike dhe të karburanteve po kërcënojnë gjithnjë e më shumë jetesën dhe mirëqenien e qytetarëve.
PD kërkon që të intensifikohen përpjekjet për përmirësimin e legjislacionit dhe ndërmarrjen e politikave që nxisin transformimin nga energjitë e lëndëve fosile drejt energjive të pastra.
Kërkesa e PD-së drejtuar Kuvendit
Shqipëria ndodhet në prag të një krize të rëndë energjetike për një sërë arsyesh, ku përmendim si mungesën e politikave favorizuese për nxitjen e investimeve dhe rritjen e prodhimit vendas të energjisë, veçanërisht asaj të ripërtëritshme, ashtu dhe me situatën ndërkombëtare me çmimet e larta të energjisë, si pasojë edhe e luftës në Ukrainë.
Shqipëria është nënshkruese e konventave ndërkombëtare për zhvillimin e aksionit për parandalimin e ndryshimeve klimatike që kërcënojnë të ardhmen e njerëzimit dhe në mënyrë sistematike duhet të përmbushë realizimin e kontributeve kombëtare të pikësynuara.
Dëshirojmë të sjellim në vëmendje, se aktualisht, parlamentet dhe qeveritë në mbarë botën, e veçanërisht në Europë, po intensifikojnë përpjekjet për përmirësimin e legjislacionit dhe ndërmarrjen e politikave që nxisin transformimin nga energjitë e lëndëve fosile drejt energjive të pastra për tu përballur me sfidat kombëtare të sigurisë energjetike dhe ato globale të ndryshimit të klimës.
Mbi këtë bazë, mendojmë se Kuvendi i Shqipërisë, si institucioni kryesor i demokracisë, duhet të shumëfishojë iniciativat në çështjet e energjisë dhe aksionit për klimën, për përmirësimin e legjislacionit, mbikëqyrjen e politikave dhe masave të qeverisë dhe nxitjen e bashkëpunimit me shoqërinë civile, organizatat e biznesit, grupet e interesit dhe gjithë aktorët e përfshirë.
Për këtë qëllim, si anëtarë të kuvendit, propozojmë si hap të parë, ngritjen e një Komisioni për çështjet e Energjisë dhe Aksionit për Klimën, në rrethanat kur çmimet e energjisë elektrike dhe të karburanteve po kërcënojnë gjithnjë e më shumë jetesën dhe mirëqenien e qytetarëve, ekzistencën e bizneseve dhe ecurinë e ekonomisë kombëtare.
Një komision i tillë do ishte i domosdoshëm për të nxitur debatin për Planin Kombëtar të Energjisë e Klimës dhe rritjen e sigurisë energjetike të vendit, zhvillimin me përparësi të legjislacionit e politikave afatgjata për energjitë e ripërtëritshme dhe diversifikimin e tyre, finalizimin e tregut të integruar të energjisë, nxitjen e masave për efiçencë të energjisë, dekarbonizimin dhe rritjen e ekonomisë së gjelbër, etj.
Nisur sa më sipër, besojmë të nderuar kolegë, që pavarësisht përkatësisë partiake, ju do ti bashkoheni propozimit tonë për të punuar sa më shpejt për ngritjen e Komisionit për Energjinë dhe Aksionit për Klimën, për të dhënë kontributin tonë si parlamentare, në përballjen me një nga situatat më të vështira me të cilën po ndeshet vendi.
Lajme të tjera
-
Po tani, ka drejtësi zoti Berisha ?
27 Nëntor, 22:37
-
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37
