Kriza energjetike, plani i Skocisë: Nuk ndalojmë dot rritjen e faturave të energjisë, por sigurojmë që qiratë nuk do rriten

Skocia do të ngrijë qiratë për të ndihmuar qiramarrësit të përballojnë krizën gjatë periudhës së dimrit. Ministrja Nicola Sturgeon njoftoi masën duke treguar planet e qeverisë për të përballuar krizën energjetike dhe rritjen e çmimeve.

"Ne do të ndërmarrim veprime të menjëhershme për të mbrojtur qiramarrësit në sektorin privat dhe social të qirasë," tha Sturgeon.

Edhe tarifat e hekurudhave në ScotRail do të ngrihen të paktën deri në mars 2023 dhe pagesa e fëmijëve skocez do të rritet në 25 paund në javë për çdo fëmijë nga nëntori. Ndërsa sigurimi i ushqimit falas në shkollë do të shtrihet deri te nxënësit e klasës së gjashtë dhe të shtatë.

Ndërsa zbuloi paketën e masave, Sturgeon tha: "Qeveria skoceze nuk ka fuqinë për të ndaluar rritjen e faturave të energjisë, por ne mund dhe do të ndërmarrim veprime për t'u siguruar që qiraja të mos rritet".

Ndërkohë pjesa tjetër e Mbretërisë së Bashkuar pret që Liz Truss të njoftojë paketën e saj të mbështetjes për koston e jetesës pasi mori postin e kryeministres.

A.M./Shqiptarja.com

TAG:
• krize energjitike
• skocia