Kriza në Bjellorusi/ Autoritetet pezullojnë për tre muaj televizionin e pavarur Tut.by

Kriza në Bjellorusi/ Autoritetet pezullojnë për tre muaj televizionin e pavarur Tut.by

Autoritetet në Bjellorusi kanë pezulluar për tre muaj punën e televizionit të pavarur të lajmeve Tut.by

Tut.by është ofruesi kryesor i lajmeve në vend dhe ka mbuluar me realitet maksimal protestat të cilat po zhvillohen që prej ditës së zgjedhjeve të 9 gushtit, të cilat sipas opozitës ishin të manipuluara dhe nga ku presidenti Aleksandër Lukashenko fitoi mandatin e tij të gjashtë për të qëndruar në pushtet. Gjithashtu televizioni ka qënë edhe ofruesi kryesor i pamjeve të dhunës së ushtruar nga policia mbi protestuesit.

Qeveria në Bjellorusi gjithashtu po e bën gjithnjë e më të vështirë punën për gazetarët e huaj për të pasqyruar atë që po ndodh në rrugët e Minskut dhe qyteteve të tjera.

Udhëheqësja e opozitës bjelloruse, Svyatlana Tsikhanouskaya, nisi dje krijimin e kabinetit qeveritar në hije.

Ndihmësit e Tsikhanouskayas njoftuan të mërkurën në një kanal të opozitës në aplikacionin Telegram, se avokati për të drejtat e njeriut, Hary Pahanyayla - i cili ka mbrojtur shumë aktivistë dhe gazetarë në Bjellorusi - do të jetë përfaqësues i Tsikhanouskayas për çështje të të drejtave të njeriut, ndërsa eksperti i ekonomisë, Ales Alyakhnovich, është emëruar përfaqësues për reformat ekonomike.

Deklarata po ashtu citon Tsikhanouskayan të ketë thënë se "regjimi i Alyaksandër Lukashenkos nuk është thjesht i paligjshëm, por gjithashtu i paaftë për të kryer detyrat e tij".

"Ne nuk mund të qëndrojmë më pasivë dhe të shikojmë se si vendi po zhytet më tej në krizë”, tha Tsikhanouskaya, një ditë pasi zhvilloi bisedime me presidentin e Francës, Emmanuel Macron, në Vilnius.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

Pas konfliktit me gruan, qëlloi me armë zjarri në ajër! Shpallet në kërkim 50-vjeçari në Vlorë

Pas konfliktit me gruan, qëlloi me armë zjarri në ajër! Shpallet në kërkim 50-vjeçari në Vlorë