POP 5

Lajmet më të lexuara të 5 minutave të fundit

Kriza, Rama nga Ohri: Grupet e përbashkëta do nisin punën menjëherë! Mesazh për Kosovën: Kush heziton të bëhet pjesë, humb kohën për të përfituar

 

Kryeministri Edi Rama nga Ohri, në konferencën e përbashkët me liderët e Ballkani Perëndimor tha se grupi i posaçëm do të nisë menjëherë punë.

“Nuk dua të zgjatem, Ballkani i hapur lindi si një ide e tre njerëzve, sot nuk është ideja e tre njerëzve, nuk është më një punë e tre njerëzve, sot Ballkani i Hapur është i të gjithë njerëzve dhe do jetë gjithmonë e më shumë e njerëzve. Mjafton të vish me makinë në Ohër dhe të kalosh doganë për të parë ndryshimin ku një tabelë e thjeshtë shkruan korridori i gjelbër i Ballkanit që për të gjithë ata që transportojnë produktet e punës do të thotë një çlirim i madh nga muret e rrëzuar dhe falë rrugëve të hapua për të ardhur e lëviz më shpejt, për të mos humbur kohë për të çuar një prodhim apo mall nga një pikë në një tjetër.

Ne do të ngremë një grup të përbashkët për krizën dhe zgjidhjet konkrete sepse kriza e thellë që mund të thellohet edhe më shumë, që ka pushtuar mbarë botën kërkon qëndrueshmëri dh përpjekjen e çdo vendim por çdo gjë që ne mund të bëjmë mes vendeve është diçka e vyer në këto moment kur edhe kokrra e fundit e grurit do ketë një peshë të madhe sa një thes me grurë. Kur edhe kë i fundit i  energjisë do ketë një peshë sa një megavat. Për këtë arsye grupi ynë i përbashkët do fillojë nga puna.

Duke filluar nga stacioni i parë në korrik në një takim të ngushtë, në shtator në Beograd ku do jetë edicioni i parë i verërave dhe të ushqimit, po kur do të kenë të ftuar të gjithë sipërmarrësit dhe qytetarët e gjithë rajonit. Do kemi sesionin e sigurisë ushqimore pastaj sesioni tjetër për sigurinë energjetike. Transportin, mjedisin

Sot këtu jemi pesë pavarësisht hezitimeve të mëparshëm, është një tryezë e cila sot paradite, një mundësi për të marrë më të mirën e mundshme në funksion të të mirës së përbashkët, do dëshiroja të jemi gashtë, një gjë është e sigurt, pikërisht se është i njerëzve Ballkani i Hapur as nuk ndalet as nuk mbyllet, kjo është mbes pak por e sigurt, kush i kundërvihet është i destinuar të zhgënjehet. Kush heziton është i destinuar të humbë kohë të çmuar për të përfituar nga kjo nismë. Ne jemi këtu dhe do vazhdojmë të jemi këtu”, tha Rama.  


Lajmi kryesor:

Abazoviç: 'Open Balkan', fytyra e re e Ballkanit Perëndimor! Rama: Kush i kundërvihet do zhgënjehet! Kovaçevski: Kapitull i ri bashkëpunimi! Vuçiç: Kemi arritur shumë
SI.E./r.k./Shqiptarja.com
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dyshime për sabotim pas dëmtimit të kabllos nënujore elektrike në Detin Baltik

Dyshime për sabotim pas dëmtimit të kabllos nënujore elektrike në Detin Baltik

26 Dhjetor, 21:06