POP 5

Lajmet më të lexuara të 5 minutave të fundit

Bota

Kroaci/ Presidenti Milanoviç akuzon kryeministrin Plenkoviçin për 'grusht' institucional: Ushtria kroate nuk do të bëjë luftërat e të tjerëve

Presidenti i Kroacisë, Zoran Milanoviç, ka akuzuar kryeministrin dhe liderin e Bashkimit Demokratik Kroat (HDZ), Andrej Plenkoviç, se po tenton të marrë në mënyrë jokushtetuese kontrollin mbi ushtrinë përmes ndryshimeve të paralajmëruara në Ligjin e Mbrojtjes.

Kroaci/ Presidenti Milanoviç akuzon kryeministrin Plenkoviçin për 'grusht' institucional: Ushtria kroate nuk do të bëjë luftërat e të tjerëve

Zoran Milanoviç dhe Andrej Plenkoviç

Presidenti i Kroacisë, Zoran Milanoviç, ka akuzuar kryeministrin dhe liderin e Bashkimit Demokratik Kroat (HDZ), Andrej Plenkoviç, se po tenton të marrë në mënyrë jokushtetuese kontrollin mbi ushtrinë përmes ndryshimeve të paralajmëruara në Ligjin e Mbrojtjes.

Në një deklaratë zyrtare, Milanoviç theksoi se këto ndryshime kanë për qëllim të kufizojnë dhe të zvogëlojnë kompetencat e tij kushtetuese si komandant suprem i Forcave të Armatosura. Ai paralajmëroi se nuk do të lejojë që ushtria kroate të përfshihet në “luftërat e të tjerëve”, duke iu referuar mundësisë së dërgimit të trupave kroate në Ukrainë.

“I bëj thirrje kryeministrit të respektojë Kushtetutën dhe vullnetin e popullit, i cili më zgjodhi mua për të mbrojtur ushtrinë dhe interesat kombëtare”, deklaroi Milanoviç.

Milanoviç, kandidat i Partisë Socialdemokrate në opozitë, do të përballet me kandidatin e HDZ-së, Dragan Primorac, në raundin e dytë të zgjedhjeve presidenciale më 12 janar. Në raundin e parë, ai fitoi mbi 49% të votave, ndërsa Primorac mori rreth 19%.

Presidenti e cilësoi çdo përpjekje për të ndryshuar Kushtetutën ose Ligjin e Mbrojtjes si një tentativë për të shkelur parimet kushtetuese dhe për të marrë kompetenca që i përkasin ekskluzivisht Presidentit të Republikës. Ai përfundoi duke rikujtuar se Kushtetuta kroate e përcakton qartë atë si komandant suprem, pa dallim midis kohës së paqes dhe asaj të luftës.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54