Kroacia vendos t'i dhurojë Shqipërisë 10 mijë vaksina anti-COVID

Kroacia vendos t'i dhurojë Shqipërisë 10 mijë vaksina anti-COVID

Kryeministri i Kroacisë Andrej Plenkovic

Kroacia mori sot vendimin për të dhuruar 20 mijë doza vaksine kundër koronavirusit për Shqipërinë dhe Maqedoninë e Veriut. Secili shtet do të marrë nga 10 mijë doza, ndërsa vendimi u mor nga Ministri i Jashtëm kroat, Gordan Grlic.

Nuk bëhet me dije se të cilës vaksinë janë dozat që do të dhurohen, ndërsa Kroacia përdor vetëm vaksina të miratuara nga Agjencia Evropiane e Barnave (EMA), përkatësisht: AstraZeneca, Pfizer/BioNTech, Moderna dhe Johnson and Johnson.

Ndërkohë, një javë më parë, Qeveria kroate njoftoi se ka ndarë nga 10,000 doza edhe për Kosovën dhe Malin e Zi dhe 30,000 doza për Bosnje e Hercegovinën.

Vaksinimi masiv në vendin tonë vijon me ritme mjaft të shpejta, ku objektivi i ri i Qeverisë dhe Ministrisë së Shëndetësisë është kryerja e 1 milion vaksinimeve brenda qershorit.

Tre ditë më parë, në vendin tonë mbërritën edhe 11700 doza të vaksinës Pfizer, duke e çuar numrin total të vaksinave të mbërritura në vend në më shumë se 760 mijë, ku tashmë çdo do javë do të vijnë vaksina antiCOVID sipas kalendarit të lëvrimit të kontratave të siguruara. Jan katër lloje vaksinash që po përdoren në vend, Pfizer, AstraZeneca, Sinovac dhe Sputnik V.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Pas sulmit me 300 dronë e raketa Irani vijon kërcënimet drejt Izraelit, kërcënon dhe SHBA! Ja çfarë dimë deri tani

Pas sulmit me 300 dronë e raketa Irani vijon kërcënimet drejt Izraelit, kërcënon dhe SHBA! Ja çfarë dimë deri tani