Kryebashkiakja e Bulqizës dhe administratori i njësisë së Ostrenit motër e vëlla, deputetja i kërkon hetim ILDKPI

Kryebashkiakja e Bulqizës dhe administratori i njësisë së Ostrenit motër e vëlla, deputetja i kërkon hetim ILDKPI

Luan dhe Festime Mjeshtri

Deputetja e PD Dhurata Çupi i ka kërkuar Inspektoriatit të Lartë për Deklarimin e Pasurisë dhe Konfliktit të Interesave që të fillojë një hetim administrativ për kryebashkiaken e Bulqizës, Festime Mjeshtri dhe administratorin e Njësisë Administrative të Ostrenit Luan Mjeshtri, të cilët janë motër e vëlla. 

"Nisur nga situata e paligjshmërisë dhe konfliktit të interesit në Bashkinë Bulqizë, i kam kërkuar sot Inspektoriatit të Lartë për Deklarimin e Pasurisë dhe Konfliktit të Interesave që të fillojë urgjentisht një hetim administrativ, të konstatojë situatën e konfliktit të interesit ndërmjet kryebashkiakes në detyrë dhe administratorit të Njësisë Administrative të Ostrenit, motër e vëlla, si dhe të ndërmarrë masat e tjera ndëshkuese në përputhje me ligjin. Funksionarët e lartë publikë dhe veçanërisht të zgjedhurit duhet të ushtrojnë detyrën me integritet, transparencë dhe përgjegjshmëri në shërbim të interesit publik dhe jo interesave personale a familjare", shkruan Çupi .

Lidhja e tyre familjare u zhulua pas arrestimit të Luan Mjeshtrit dhe Arlin Limanin Specialist i shërbimit social në të njëjtën njësi administrative të cilët akuzohen se në këmbim të ryshfetit lëshonin vërtetime false për qytetarët që donin të përfitonin dokumente bullgare. 

 

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Ministri i Kosovës: Beogradi përgjegjës për tensionet mbi dinarin

Ministri i Kosovës: Beogradi përgjegjës për tensionet mbi dinarin