POP 5

Lajmet më të lexuara të 5 minutave të fundit

Bota

Kryebashkiaku i Kievit habit të gjithë me deklaratën e tij: Zelensky do largohet nga posti si President

Teksa lufta vazhdon mes Ukrainës dhe Rusisë, kreu i bashkisë së Kievit, Vitali Klitschko ka lëshuar një deklaratë të papritur, duke thënë se Volodymyr Zelensky, do të largohet nga posti si president i Ukrainës

Kryebashkiaku i Kievit habit të gjithë me deklaratën e tij: Zelensky do largohet nga posti si President

Volodymyr Zelensky

Teksa lufta vazhdon mes Ukrainës dhe Rusisë, kreu i bashkisë së Kievit, Vitali Klitschko ka lëshuar një deklaratë të papritur, duke thënë se Volodymyr Zelensky, do të largohet nga posti si president i Ukrainës.

Klitschko, ish-kampion i botës në boks në peshat e rënda, e bëri deklaratën e tij befasuese në një intervistë për gazetën zvicerane “20 Minuta”.

Ai tha se kundërofensiva e Ukrainës ka ngecur dhe Zelensky po “paguan për gabimet e tij”. 52-vjeçari, i cili e drejton Kievin që nga viti 2014, u shpreh se popullariteti i Zelensky ka rënë.

Ai sulmoi kundërshtarin e tij politik duke thënë se injoroi paralajmërimet për pushtimin rus në 24 shkurt të vitit 2022.

“Njerëzit shohin se kush është efektiv dhe kush jo. Ka pasur dhe ka ende shumë pritshmëri. Zelensky po paguan për gabimet që ka bërë. Njerëzit tani ngrenë pyetjen se pse nuk ishim më të përgatitur për këtë luftë? Pse Zelensky e mohoi deri në momentin e fundit se do të vinim në këtë ditë? Presidenti ka një funksion të rëndësishëm sot dhe ne duhet ta mbështesim atë deri në fund të luftës. Por në fund të kësaj lufte, çdo politikan do të paguajë për sukseset apo dështimet e tij”, tha ai.

Klitschko u pyet nëse ka ambicie për të kandiduar për President të Ukrainës.

“Do të ishte marrëzi të mendosh për këtë sot. Sot pyetja e vetme është nëse Ukraina do vazhdojë të ekzistojë ende”, tha ai për median zvicerane.

Pavarësisht deklaratave të Vitali Klitschko, popullariteti i Zelensky-t, sipas mediave në Ukrainë, është shumë herë më i lartë se sa në vitin 2022, përpara se Rusia të niste ofensivën e saj.

Por mbështetja ndaj Zelenskyt ka rënë në muajt e fundit krahasuar me kohën kur nisi lufta, sipas një sondazhi të organizuar nga “Statista” në Ukrainë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 05/12/2023 14:08

    Cfare prisnit ndryshe ju ? Normal qe i mbaroj koha ketij cifutit , ja arriti qellimit e shkaterroj Ukrainen

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça