POP 5

Lajmet më të lexuara të 5 minutave të fundit

Sociale

Kryebashkiaku Veliaj vetë -
përjashtohet nga rritja e pagës

Kryebashkiaku i Tiranës Erion Veliaj dhe tre nënkryetarët kanë përjashtuar veten nga indeksimi i pagës, vendim i cili u mor të mërkurën në Këshillin Bashkiak për rritjen e pagave të personelit. Veliaj bashkë me tre zëvendësit e tij është vetëpërjashtuar, duke mbajtur kështu të pandryshuar pagën.
TIRANË - Kryebashkiaku i Tiranës Erion Veliaj dhe tre nënkryetarët kanë përjashtuar veten nga indeksimi i pagës, vendim i cili u mor të mërkurën në Këshillin Bashkiak për rritjen e pagave të personelit. Veliaj bashkë me tre zëvendësit e tij është vetëpërjashtuar, duke mbajtur kështu të pandryshuar pagën.
 
Që në nisje të mbledhjes kryebashkiaku propozoi një amendament që paga e tij dhe e nënkryetarëve të bashkisë të mos indeksohet. “Ju kërkoj që të bëjmë një amendim ku kryetari i bashkisë dhe nënkryetarët e bashkisë që janë titullarë politikë, të përjashtohen nga indeksimi i pagave që propozon ky projektvendim. Për pjesën tjetër që është administrata e bashkisë, për këdo që ka punuar një ditë në shtet, dua t’i jap një të drejtë , indeksimi pagave është një rutinë që ndodh”, tha Veliaj.
 
Në projektvendimi ishte parashikuar që paga e Veliajt të ishte 174 mijë lekë të reja, ndërsa zv/kryetarët e bashkisë 40 mijë lekë. 

Sipas projektvendimit Veliaj do të përfitonte rreth 9 mijë lekë më shumë se paraardhësi i tij Luzlim Basha, i cili përgjatë vitit 2014-t ka patur pagën si kryebashkiak prej 165 mijë lekë....por me vendimin për të mos e rritur pagën e tij kryetari i Bashkisë së Tiranës duket se ka dashur të qëndrojë larg polemikave.
 
Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07