Kryetari i Gjykatës së Tiranës Petrit Çomo ka refuzuar kërkesën e gjyqtarit Agron Zhukri për të hequr dorë nga shqyrtimi i çështjes se Kuvendit paralel të Berishës së 11 dhjetorit 2021, ndonëse Zhukri pretendonte se ishte në konflikt interesi për shkak të lidhjeve të forta me Sali Berishën. Duke renditur lidhjet e forta me Berishën, Zhukri në kërkesën e tij për të hequr dorë nga çështja, përmendte edhe faktin se bashkëshortja e tij zonja Rezarta Zhukri ka qenë sekretare personale e Sali Berishës dhe më pas shefe e administratës.
Neni 73 i Kodit të Procedurës Civile parashikon që gjyqtari, kur e vlerëson se ka shkaqe të arsyeshme për të mos marrë pjesë në shqyrtimin e një çështjeje, i kërkon kryetarit të gjykatës zëvendësimin e tij. Kryetari i gjykatës, kur e sheh me vend kërkesën, urdhëron zëvendësimin e tij me një gjyqtar tjetër, me anë të shortit. Pra, ligji ia lë ndërgjegjes së gjyqtarit të drejtën për të hequr dorë nga shqyrtimi i çështje.
Fakti që bashkëshortja e gjyqtarit Agron Zhukri ka qenë sekretare e Berishës, nuk është parë si një shkak bindës dhe i mjaftueshëm nga Petrit Çomo, për të pranuar dorëheqjen e Agron Zhukrit nga dosja. Mospranimi i dorëheqjes së Zhukrit është argumentuar se çështja në fjalë nuk është një gjykim themeli, por është një kërkesë për depozitim ndryshimesh të statutit të partisë paraqitur nga një grup individësh.
Megjithatë, koha tregoi se ky konfirmim i thjeshtë ndryshimet statutore, ka pasjellë zhvillime të rëndësishme politike, përplasje dhe amulli në Partinë Demokratike. Ndërkaq, vendimi i paprecedentë i Agron Zhukrit duket se nuk është kaq i thjeshtë dhe rutinë, pasi Zhukri ka shqyrtuar dhe argumentuar të gjitha procedurat për mbledhjen e Kuvendit Kombëtar të PD-së, vetë mbledhjen dhe vendimmarrjet.
Gjithsesi u mbetet organeve të tjera për të vlerësuar vendimmarrjet e Petrit Çomos dhe më pas të Agron Zhukrit.
Po kush është Petrit Çomo?
Petrit Çomo e ka nisur karrierën në sistemin e drejtësisë në vitin 2000 dhe ka punuar për gati dy dekada si gjyqtar dhe zv.kryetar i Gjykatës së Tiranës. Në vitin 2015, Çomo u zgjodh anëtar i Këshillit të Lartë të Drejtësisë, detyrë të cilën e mbajti deri në shkrirjen e këtij institucioni. Çomo është ndër të paktët ish-anëtarë të KLD-së që i mbijetuan procesit të Vetingut, pasi shumica dhanë dorëheqjen ose u shkarkuan.
Petrit Çomo u ngjit në krye të Gjykatës së Tiranës pas shkarkimit të kryetares Enkelejdi Hajro në vitin 2019, pasi nuk justifikonte pasurinë.
Gjyqtari Çomo u konfirmua në detyrë nga Komisioni i Vetingut në 6 gusht të vitit 2020, me shumicë votash. Trupa gjykuese u nda sa i takon pastërtisë së figurës së gjyqtarit.
Drejtoria e Sigurimit të Informacionit të Klasifikuar (DSIK) i kishte dërguar një raport Komisionit të Vetingut, në të cilin ngriheshin dyshime për kontakte të gjyqtarit Petrit Çomo me persona të përfshirë në krim të organizuar dhe se ka favorizuar me vendimmarrjet e tij persona të ndryshëm.
“Petrit M. Çomo ka pasur kontakte të papërshtatshme me një person të përfshirë në krimin e organizuar, si dhe ngrihen dyshime se një person tjetër ka ushtruar ndikim të paligjshëm ndaj gjyqtarit Petrit Çomo, në Gjykatën e Rrethit Gjyqësor Tiranë për disa çështje gjyqësore... Bazuar në informacionin mbi përfshirjen e subjektit të rivlerësimit Petrit M. Çomo në veprimtari të paligjshme janë informuar edhe strukturat ligjzbatuese. Informacioni që disponohet për implikim të subjektit të rivlerësimit Petrit Çomo në favorizim të personave të ndryshëm dhe ushtrim të ndikimit të paligjshëm lidhet drejtpërdrejt me detyrën e tij funksionale, çfarë e bën subjektin në fjalë person me tendenca për përfshirje në veprimtari kriminale dhe një individ që mund të vihet nën presion nga struktura kriminale”, thuhet mes të tjerave në raport.
Por, shumica e trupit gjykues, Brunilda Bekteshi dhe Olsi Komici kanë arritur në konkluzionin se “nga hetimet e kryera nuk rezultoi që subjekti i rivlerësimit të ketë pasur kontakte të papërshtatshme në mënyrë të drejtpërdrejtë apo të tërthortë, të jetë përfshirë në veprime korruptive apo të ketë kryer veprime me qëllim ushtrimin e ndikimit të paligjshëm në çështje gjyqësore. Në përfundim, Komisioni vlerëson se subjekti i rivlerësimit ka arritur nivel të besueshëm për kriterin e figurës”.
Por, ndryshe ka arsyetuar komisionerja Xhensila Pine, e cila ka pohuar se Petrit Çomo ka cenuar besimin e publikut tek drejtësia dhe se duhej shkarkuar nga detyra.
“Në të kundërt të sa ka arsyetuar shumica e trupit gjykues, kam vlerësuar se nga dokumentacioni i verifikuar, provat e aksesuara “sekret shtetëror”, mbështesin përfundimin e arritur prej Grupit të Punës, mbi“ ushtrim të ndikimit të paligjshëm gjatë kryerjes së detyrës”. Për sa në raport citohej se subjekti i rivlerësimit ka pasur kontakte të papërshtatshme me një person të përfshirë në krimin e organizuar, si dhe ngrihen dyshime se një person tjetër ka ushtruar ndikim të paligjshëm ndaj gjyqtarit Petrit Çomo, në Gjykatën e Rrethit Gjyqësor Tiranë për disa çështje gjyqësore, hetimi i shtrirë ndaj personit i cili referohej se kishte ushtruar ndikim të paligjshëm ndaj subjektit nuk mund të referohej dhe përdorej edhe lidhur me arsyetimin për kontaktin e papërshtatshëm, për sa në raportin e kontrollit të figurës ata identifikoheshin si dy individë të ndryshëm. Pas shqyrtimit të dokumentacionit në drejtim të verifikimeve të kriterit të figurës, kam arritur në përfundimin se në vlerësimin tërësor, subjekti i rivlerësimit ka cënuar besimin e publikut te drejtësia ndaj dhe për të duhet të aplikohej masa disiplinore e shkarkimit nga detyra”, ka pohuar Pine.
Komente
Lajme të tjera
-
Tiranë/ Shpërndanin ekstazi në ish-Bllok dhe kthyen portalin në 'shtëpi bari', Gjykata lë në burg 4 gazetarët e portalit 'Publik.al' të Naim Nokës
19 Dhjetor, 13:37 -
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04 -
Trafik armësh Kosovë-Shqipëri/ Gjykata e Tiranës lë në burg 5 të arrestuarit, ata mohojnë akuzën
14 Dhjetor, 11:08
-
I dënuar për vrasjen e 4 policëve në 1997, izolohet në 41-Bis Fran Marashi
13 Dhjetor, 15:07 -
Tiranë/ Të kërkuar për drogë dhe korrupsion, arrestohen dy persona në pak orë! Një prej tyre i dënuar nga GJKKO
12 Dhjetor, 15:49 -
Gjykata e Tiranës regjistron Berishën si kryetarin e PD-së
11 Dhjetor, 15:46 -
Vrasja e Martin Canit, avokatët e 14-vjeçarit të arrestuar apelojnë masën 'arrest me burg', kërkojnë zbutje të saj
5 Dhjetor, 13:01 -
I dënuari del me leje nga Burgu i Rrogozhinës dhe nuk kthehet më! I kishin mbetur edhe rreth 4 vite izolim, prej tre ditësh në arrati (EMRI)
5 Dhjetor, 12:56 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
-
Tiranë/ Tensione në seancën e Dan Hutrës! Autori i vrasjes së trefishtë ballafaqohet me të dënuarin të cilit i vrau motrën: Gjakun nuk e fal! Refuzoj të jap deklarime para kësaj monstre
14 Nëntor, 14:36
-
Gjykata Administrative shfuqizon vendimin e Kuvendit për përjashtimin e 24 deputetëve të PD nga seancat plenare
6 Nëntor, 13:10
Ju kurva jeni te gjithe
PërgjigjuZhukri vertet ishte ne konflikt interesi,por prape mund t'a kishte hedhur poshte Berishen dhe Rithemelimin.Como ka pergjegjesite dhe gabimet e veta,por ne fund,gjykimi dhe vendimi ishin ne dore te Zhukrit dhe vetem te Zhukrit dhe askujt tjeter.
PërgjigjuGjykata e Tiranes e tera duhet shkarkuar dhe denuar sepse jane te inkriminuar.... Eshte genjeshter qe thone se ceshtjet ndahen me short, cdo ceshtje eshte e paracakuar, shikoni cfar mostrash punojne aty...
Përgjigjueshte, nje hic qe e ka kthyer gjykaten ne interes te familjareve te vet. Le pastaj ana organizative...per nje vertetim, per nje date gjyqi, te pret radha 2 ore. I PAAFTE DHE PASKRPULLT !!!
PërgjigjuNjelloj jan shok klase ne shkollen e plepave. Dhe cfar do prisnit prej tij. Nxenesi i sali qenit edhe ky si gjith te tjeret. Mjer shqiperia dhe sa mund ti kete ngelur per te vuajtur nga keta qener.
Përgjigju