Kryeinspektori i Policisë Bashkiake: Masat në tregun e Kamzës nuk janë të vonuara, ishin planifikuara (VIDEO)

Faik Basha, kryeinspektori i Policisë Bashkiake të Kamzës në një prononcim për Report Tv ka deklaruar se masat e marra në treg nuk janë të vonuara, por nuk ishin marrë më herët për faktin se ai ka qenë gjysmë i mbyllur. Ndryshe nga dy ditë më parë, sot nuk janë lejuar të tregtojnë, ka bërë me dije Basha.

"Kanë qenë të planifikuara për të marrë. Me zbutjen e virusit, pritet që tregu të hapet, Me kaq sa funksiononte ky treg nuk ka qenë shumë problematike. E gjithë kjo është funksionale, kemi pasur bashkëpunimin e qytetarëve të cilët i falenderoj. Kjo është planifikuar pikërisht për këtë punë, kjo do të zgjasë deri sa të zgjasë virusi. Tregtarët e moshuar nuk janë lejuar që të shesin. ju bëj thirrje të gjithë qytetarëve, zbatoni rregullat! Janë për të mirën e të gjithëve", tha Basha për Report tv.

Lajmi kryesor:

Pas raportimit të Report Tv, ndryshim rrënjësor te tregu i Kamzës! Qytetarët të detyruar nga sinjalistika respektojnë rregullat

B.K./b.ha./Shqiptarja.com

TAG:
• kamez
• Koronavirus
• koronavirusi ne shqiperi