Kryemadhi: Rehovica vetëm është
shoqëruar nga policia, do e mbrojmë

Monika Kryemadhi u shpreh se LSI do të mbrojë deputetin Gledjon Rehovica në KQZ nëse prokuroria nuk do të sjellë argumente për kërkesën për heqjen e mandatit. Kryetarja e LSI tha se Rehovica kur ka qenë student në Romë është shoqëruar për një ngjarje për të dëshmi dhe vetëm kaq.

“Ne nuk do të lejojmë të viktimizojmë njerëzit tanë. Ai nuk është ndalur, ai është shoqëruar për një dëshmi, për një ngjarje dhe tjetra ka qenë student. Dhe mos harroni se ku je student në Romë dhe jep shenjat e gishtave dhe ditëlindjen të tjerat janë të qarta.

Ai do të dalë edhe para KQZ. Ka dy vite që e akuzojnë, madje edhe për trafik në Zvicër, ku ai nuk ka qenë fare, madje ka qenë fëmijë në Berat. Në momentin që do të bëjë publike faktet që ka marrë nga Italia dhe nëse prokuroria nuk ka depozituar asnjë argument për kërkesën ne do ta mbrojmë Rehovicën dhe cdo njeri” deklaroi ajo.  

dy.b/shqiptarja.com

TAG:
• kqz