Kryeministri australian: S’kemi kontroll mbi infeksionin Covid

Kryeministri australian: S’kemi kontroll mbi infeksionin Covid

Kryeministri Australian Scott Morrison pretendon se mbyllja 6 javore është e nevojshme teksa rastet e infektimit vazhdojnë te rriten në Melburn.

Ai shtoi se me shumë gjasë do të ngadalësohet kthimi i qytetarëve të vendit nga jashtë mes shpërthimit të ri të koronavirusit që ka nxitur mbylljen e kufijve dhe urdhrin që njerëzit të qëndrojnë brenda. “ Mund ta imagjinoj zemërimin tuaj; ne nuk kemi kontroll mbi virusin por kemi kontroll mbi përgjigjen tonë”, u shpreh ai.

Mbi pesë milionë banorë të Melburnit, qytetit të dytë më të madh të Austrialisë, do të izolohen për gjashtë javë, pas shtimit të numrit të rasteve me koronavirus.

Izolimi nis mesnatën e sotme. Vendimi erdhi pasi qyteti regjistroi 191 raste të reja me koronavirus në 24 orët e fundit. “Ky është numër i lartë. Askush nuk donte të ishte në këtë pozicion. E di se do të ketë dëme për shkak të kësaj. Do të jetë sfiduese”, thanë zyrtarë vendas. Në total, Australia ka regjistruar gati 9,000 raste me koronavirus dhe 106 viktima.

Sëmundja që e shkakton koronavirusi, COVID-19, ka prekur mbi 11 milionë njerëz në gjithë botën. Prej tyre, mbi 538,000 kanë vdekur dhe mbi 6 milionë janë shëruar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet