TIRANE - Kryeminsitri Edi Rama ka mbledhur me urgjencë qeverinë në orën 23:30 lidhur me tërmetin e fuqishëm që goditi sot vendin tonë. Rama tha se i gjithë sistemi i operimit në këtë situatë të jashtëzakonshme ka vepruar në kohë reale. Kreu i qeverisë u shpreh se situata ishte e jashtëzakonshme, ndërsa shtoi se do të punohet me intensitet dhe kapacitet të plotë.
Ministrja e Mbrojtjes Olta Xhaçka janë dëmtuar 563 banesa në të gjithë vendin. Ajo tha se dëmet janë modeste, duke veçuar Tiranën dhe Durrësin që kanë pasur dëmet më të rënda.
Mbledhja e qeverisë u shoqërua edhe nga një lëkundje e fuqishme me magnitudë 4.9. Në atë moment e kishte fjalën ministri Sandër Lleshaj i cili ndërpreu për pak fjalën duke ngritur kokën lart. “Po përpiqem dhe unë të mos më lëkundet zëri”, u shpreh Lleshaj.
Kryeministri Edi Rama anuloi udhëtimin për në New York pas lëkundjeve të fuqishme që goditën pasdite Shqipërinë. Rama ndodhej në Frankfurt dhe mori me urgjencë fluturimin për në Tiranë. S
Po nesër në Kuvend, do të mbahet në orën 11:00 një mbledhje emergjente e grupit, në sallën e grupit parlamentar në Kuvend, ku do të marrin pjesë edhe ministrat dhe kryetarët e bashkive.
"Prezenca në këtë mbledhje është e domosdoshme", u ka dërguar një mesazh kryeministri të gjithë anëtarëve që do të jenë në mbledhje.
Lajmi kryesor:
Shqipëria shkundet nga tërmeti 7.5 ballë, më i fuqishmi në 30 vitet e fundit! Tjetër lëkundje e fortë në mesnatë (VIDEO)
Kryeministri Edi Rama zbuloi se përveç kryeministrit italian Guiseppe Conte, ai ka marrë telefonata edhe nga presidenti i Francës dhe kancelari i Austrisë.
"Presidenti i Francës, kancelarja e Austrisë dhe shumë të tjerë kanë pyetur dhe janë interesuar. Për këtë i jam shumë falenderuar të gjithëve edhe të gjithë atyre që janë jashtë atdheut dhe gjithë kësaj kohe kanë shprehur gatishmërinë për solidaritet. Duhet të fokusohemi tani tek ata që kanë pëuar dëmtime. Kryeministria i rezistuar tërmetit dhe rikonstruksioni ka bërë punët e vet", u shpreh Rama.
Ministri i Brendshëm Sandër Lleshaj u shpreh se janë vënë rreth 2000 efektivë në shërbim të qytetarëve shqiptarë. Lleshaj tha se është ofruar shërbim ndaj qytetarëve që kanë nevojë për asistencë të çfarë do lloji.
“Edhe strukturat e Policisë janë angazhuar që në momentin e parë të tërmetit. Të gjitha strukturat janë ngritur dhe kanë marrë situatën nën kontroll. Të gjitha prefekturat janë në gatishmëri dhe më aktive janë Durrësi dhe Tirana. Aktualisht janë të angazhuar 2200 forca policie dhe ka pasur 1261 telefonata që kanë qenë për situatën. Është ofruar shërbim ndaj qytetarëve që kanë nevojë për asistencë të çfarë do lloji. Do vazhdojë gatishmëria e gjithë strukturave. Vlerësohet se dëmtimet janë të vogla që nuk justifikojnë një gjendje paniku. Ne të gjithë jemi në këmbë. Të gjithë numrat e policisë janë në dipsozicion. Janë rreth 2000 efektivë në terren", u shpreh Lleshaj.
Por gjatë fjalës së tij është ndjerë një tjetër lëkundje tërmeti në vend. "Se po më dridhet dhe zëri nga lëkundjet”, tha Lleshaj
Ministrja e Mbrojtjes Olta Xhaçka deklaroi se dita e sotme ka qenë e ngarkuar për të gjithë vendin. Ajo tha se dëmet janë modeste, duke veçuar Tiranën dhe Durrësin që kanë pasur dëmet më të rënda.
"E sotmja ka qenë një ditë e ngarkuar për vendin dhe grupet e punës që kanë qenë të angazhuar. Ka qenë një ditë me ankth. Tani që kemi një pasqyrë më të qartë të situatës nga terreni e kemi të qartë që dëmet reale janë shumë më të vogla nga ato që priteshin. Tërmeti që ra sot ishte i madh dhe duke parë përmasat e saj them se kemi qenë me shumë fat që dëmet janë kaq të vogla. Kemi arsye të besojmë se situata është nën kontroll. Ka pasur 105 persona të lënduar. Këto lëndime kanë ardhur si pasojë e situatës së frikës dhe nxitimit për të lënë banesat. Gjëja e fundit për të cilën kemi nevojë është paniku. Në këto momente nuk duhet të veprojmë në panik. Më e keqja është kaluar. Dëmet janë modeste. Por dëme ka pasur. Qarqet më të prekura janë Tirana dhe Durrësi.
-Në qarkun e Tiranës kemi 293 banesa të dëmtuara, 20 pallate të plasaritura,
-Në Durrës 185 banesa me dëmtime, 5 pallate me krisje
-Elbasan- 24 banesa, 3 pallate
-Berat vetëm një banesë e dëmtuar
-Dibër- 17 banesa të dëmtuara
-Fier 4 banesa të dëmtuara, puset e naftër atje janë të padëmtuara.
-Lezhë- 38 banesa
-Vlorë- 1 banesë
Nuk ka raportim për dëme në qarqet e tjera
Kjo është një pasqyrë paraprake e dëmeve. Kemi bërë thirrje të gjithë qytetarëve që të raportojnë. Nuk raportohet për dëme serioze.
Ekipet që do të ngrihen duhet të inspektojnë dhe të verifikojnë nga afër çdo rast. Kjo do të nisë nga nesër. Çdo banor mund të shfrytëzojë për strehim qendrat sociale, dhe shtëpinë e pushimit të ushtarakëve në Durrës. Askush nuk mund të parashikojë tërmete. Ne kemi për detyrë të qëndrojmë në gatishmëri. Ky ishte vetëm fillimi. Puna e vërtetë nis tani", tha Xhaçka.
Kryeministri Edi Rama ka shprehur mirënjohjen për punën e bluzave të bardha. Ai tha se ekipi në të gjithë vendin ka funksionuar në kohë reale. Rama tha se situata ishte e jashtëzakonshme, ndërsa shtoi se do të punohet me intensitet dhe kapacitet të plotë.
“E bëjmë këtë mbledhje të jashtëzakonshme, sepse u gjetëm në një situatë të jashtëzakonshme për shkak të një tërmeti që ka tronditur vendin dhe që ka alarmuar të gjithë njerëzit. Ata që jetojnë në Shqipëri dhe ata që jetojnë jashtë vendit. Fatmirësisht nuk ka asnjë viktimë dhe kjo është një arsye për të marrë frymë në mënyrë të lehtësuar. Ka pasur persona të plagosur dhe ata kanë marrë ndihmë mjekësore, urojmë që të gjithëve shërim të shpejtë. Do të jemi me kapacitet të plotë. Dua të falënderoj jo formalisht, të gjithë trupën e bluzave të bardha dhe të gjithë trupën e kujdesit shëndetësor për organizmin e mirë për gjatë gjithë orëve pas ngjarjes. Dua të përgëzoj edhe Ogertën e cila meriton një adresim të posaçëm e cila ka ndërgjegjësuar strukturat në këtë rast emergjence dhe ka mbështetur dhe koordinuar të gjithë sektorin. Më vjen mirë që ka funksionuar në kohë real i gjithë sistemi i emergjencave dhe organizimi kapilar në të gjithë vendin.
Edhe përkëtë besoj që vlen të ndjehemitë inkurajuar dhe duke falenderuar të gjithëve për ndjeshmërinë dhe aktivitetin në terren dhe sidomos për koordinimin e informacionit, dëshiroj që, me radhë, edhe për atta që na ndjekin që e kan ë të nevojsme të jenë të informuar, të gjithë ata që kanë për të dhënë informacion janë të lutur për ta bërë këtë”, tha Rama.
Lajme të tjera
-
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri, hesht kompania kineze
21 Dhjetor, 19:10 -
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11 -
Ministrja e Kurtit sulmon Ramën pas fjalimit në Kuvend! I përvishen shqiptarët e Kosovës: Si nuk ke turp?!
21 Dhjetor, 09:56 -
Rama me skiatoren Colturi: Disiplinë e re për ne, flamuri kuqezi të ka sjellë fat! Lara: Kënaqësi që përfaqësoj Shqipërinë
21 Dhjetor, 09:24 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11
