Kryeministri Haradinaj: Prekazi bashkon shumë histori për shqiptarët

Rezistenca dhe lufta heroike e Tahir dhe Nebih Mehës tregoi se shqiptarët nuk do të frikësohen më para regjimit të atëhershëm që burgoste dhe maltretonte rininë e Kosovës.

Kryeministri i Kosovës, Ramush Haradinaj

Kështu tha kryeministri i Republikës së Kosovës, Ramush Haradinaj, pas homazheve te varri i Tahir dhe Nebih Mehës, në 37 vjetorin e rënies. Kryeministri Haradinaj tha se Prekazi bashkon shumë histori për shqiptarët.

Edhe më herët ishte Ahmet Delia, tani është Tahiri e Nebihi, por ai që vërtet na nderon gjithë neve si komb është komandanti legjendar Adem Jashari, familja Jashari.

LEXO EDHE:
Lamtumira e një ikone/ Të afërm, dashamirës, politikanë dhe përfaqësues të sportit homazhe për Teodor Vason

Kryeministri i Kosovës, Ramush Haradinaj

Kryetari i Komunës së Skënderajt, Bekim Jashari tha se është obligim i të gjithë neve t'i nderojmë dhe respektojmë heronjtë dhe dëshmorët tanë. Ai tha se rënia e tyre 37 vjet më parë i ka motivuar të rinjtë dhe të rejat se si duhet atdheu.

Ilir Meha, nipi i Tahir Mehës, falënderoj kryeministrin Haradinaj për ardhjen në Prekaz, për të nderuar gjakun e derdhur për liri të heronjve të parë të luftës së Shaban Polluzhës.

Kryeministri Haradinaj vizitoi edhe themelet e Kullës së Rezistencës së Tahir e Nebih Mehës dhe Kullën e familjes Meha dhe në shenjë mirënjohje i dhuroi flamurin kombëtar nipit të Tahirit, Ilir Mehës.

TAG:
• Ramush Haradinaj
• homazhe
• tahir meha
• nebih meha

Sondazhi i ditës:

A ka politika frikë nga SPAK-u?

• Po

  69%

• Jo

  26.4%

• Nuk e di

  4.7%

Vota total: 2986

• Sondazhi i ditës:

  A ka politika frikë nga SPAK-u?

  Po Jo Nuk e di