Rama ‘kritika’ BE-së nga Parisi: Nuk ka plan paqeje dhe as autonomi, Evropa është ballkanizuar! Problemi më i madh me Serbinë është Kosova (VIDEO)

Një tjetër temë për të cilën Rama foli në Forumin e Paqes, ishte dhe ajo marrëdhënieve të Kosovës me Serbinë. Kryeministri tha se ‘sa më i lumtur komshija, aq më e lumtur shtëpia’ ndërsa dhe njëherë theksoi qëndrimin e patundur për bashkim rajonal, si e vetmja rrugë për paqe.

"Ne jemi të patundur në bindjen tonë që jo vetëm paqja është më mirë se gjithçka tjetër, por sa më i lumtur komshiu aq me e lumtur edhe shtëpia. Pra mos u kujdes vetëm për veten, por mendo edhe për fqinjin.

Gëzo vetë, por edhe sigurohu që fqinji të mos vdesë urie. Ne kemi bashkëpunim me të gjithë në rajon. Me Serbinë kemi një problem të madh që është Kosova. Kosova është një problem sepse për ne është një shtet, jo vetëm për ne por për shumicën e vendeve të BE. Por për Serbinë nuk është.

Por është një problem i madh. Ose do të rrinim me kokën pas dhe të ndiznim tensione dhe të dëmtonin veten ekonominë tonë të ardhmen tonë ose alternativa tjetër, të themi dëgjo nuk biem dakord për këtë, por të punojmë që qytetarët tanë të kenë lirinë e lëvizjes. Bashkëpunimi rajonal është e vetmja rrugë, për ne që duam të bëhemi anëtarë të BE", tha Rama.

Kryeministri Rama nga Forumit të Paqes në Paris, u shpreh se Franca dhe Evropa, janë ballkanizuar tërësisht. Ai merr si shembull mosmiratimin e buxhetit në Francë, duke thënë se kjo është tipike ballkanase.

Në fund të fundit thotë Rama, kur bota të shpërthejë, nuk do të jetë faji i Shqipërisë.

“Gjatë viteve të fundit kam parë që Evropa është ballkanizuar shumë, kështu që nuk jemi më të vetëm. Nuk jemi të vetmit që krijojmë probleme. Shikoni Francën, harroni Britaninë. Tërësisht, shikoni akoma nuk miratojnë dot një buxhet. Ca është kjo? Ballkan. Shikoni Britaninë, ata janë edhe më keq. Është një ballkanizim i tërë i Evropës. Tani ne jemi më të mirët.

Është për të qeshur dhe ju themi pastaj bëni paqe, mos kërcënoni, komunikoni, bashkëpunoni sepse kjo është gjëja më e mirë për tu bërë, sepse vijmë nga ferri dhe jemi lajmëtarët. Nëse duan të na dëgjojnë le të na dëgjojnë, nëse nuk duan të na dëgjojnë mos ta na dëgjojë. Ne jemi në rregull me të dyja. Në fund të fundit kur bota të shpërthejë nuk do jetë faji i Shqipërisë. Nëse bota do bëhet më e mirë ne do themi bëmë pjesën tonë”, tha Rama.

Kryeministri Rama ka shkëmbyer disa batuta me drejtuesin e Forumit të Paqes lidhur me marrëveshjen e paqes Azerbajxhan – Armeni, ku shpesh herë në media është bërë objekt diskutimi, falë lapsuseve të vazhdueshme të presidentit Trump.

Drejtuesi  i forumit iu drejtua Ramës duke e i thënë “Ju keni një meritë për vendosjen e paqes mes Azerbajxhan-Armeni”.

Por, Rama e “korrigjoi”, duke u përgjigjur “E kishit fjalën për Azerbajxhan-Shqipëri se këtu se do të zemërosh presidentit tënd, jo mua. Sepse është përpjekur për kaq shumë kohë, por nuk ia doli”.

Kryeministri Rama u pyet në Forumin e Paqes dhe për takimin mes presidentit të SHBA-ve, Donald Trump dhe atij të Kinës, Xi Jinping si dhe për raportin mes dy superfuqive.

Rama nuk i kurseu batuat as në këtë rast duke thënë se nuk kishte kohë për t’i telefonuar dhe për t’i pyetur se çfarë planesh kishin. Kryeministri tha se një konflikt mes tyre nuk do t’i bënte aspak mirë botës.

“Unë nuk fola me ta sepse siç ju thashë isha në Riad dhe nuk pata kohe ti thosha çfarë do bëni nesër. Por vlerësimi imi është shumë i thjeshtë, çdo marrëveshje mes tyre është i mirë për të gjithë dhe çdo konflikt mes tyre është i keq për të gjithë.

E dini atë thënie që kur Amerika teshtin bota kollet, kur Kina teshtin bota futet në karantinë. Kështu që duhet të bëhen bashkë për më të mirën e botës”, tha Rama.

Autonomi, një politikë të jashtme dhe një plan paqe, këto janë ato që Rama sugjeron sot për Evropën në raport me dinamikat politike në botë. Rama mori si shembull raportin e kryeministrit të Hungarisë me Evropën për luftën dhe tentativat për paqe mes Rusisë dhe Ukrainës. Kryeministri kujton se Viktor Orban foli për armëpushim u sulmua, e sot është fjala më e përdorur nga evropianët.

Ndër të tjera, Rama saktësoi raportet e Shqipërisë me Rusinë ndërsa theksoi se ai mbron interesat e vendit të tij. Rama gjithashtu me batutë tha se Italia është Shqipëria e madhe dhe se komplimentoi kryeministren Giorgia Meloni duke e cilësuar si një grua të shkëlqyer.

“Që Putin do luftë është e qartë. Kur bëhet fjala për Ukrainën, unë përfaqësoj një vend, Shqipërinë që nuk ka marrëdhënie më Rusisë, apo ka shkallët më të ulët të raportit me Rusinë në Evropë, përfaqësoj të vetmin vend në rajon që asnjë udhëheqës rus nuk ka ardhur qysh prej viteve 960. I patëm gjatë komunizmit, i patëm në formën më të keqe, nuk na merr malli për ta. Në këta 35 vite, nuk kemi pasur jo vetëm vizita të nivelit të artë, por as pararuse.

Evropa po humbet atë që është kryesorja. Kur Orban përmendi fjalën armëpushim, u sulmua sikur të ishte një fjalë e pisët. Kjo fjalë u zbuluara në diplomacinë evropiane dhe çdo kush foli për të por ishte shumë vonë. Evropa duhet të ketë autonominë e saj. Unë besoj pavarësinë, por së paku autonominë, politikën e saj të jashtme, planin e paqes dhe të bëjë luftën.

Unë jam më i gjati mes të gjithëve, përfaqësoj një vend shumë të vogël për të luajtur çfarëdolloj roli. Flas të llojit që mund të ndryshojë trajektoren. Si evropian që përfaqësoj një vend të vogël, unë besoj se më duhet tu dal për zot mendimeve të mija dhe vendit tim. Nëse mendimi im është i gabuar nuk vjen asnjë dëm, por nëse mendimet e tyre që nuk janë kaq të gjatë sa unë por kanë pas vende të mëdha janë gabim ,është problem i madh.

Jeni nga Italia jeni nga një Shqipëri e madhe nga shumë mënyra. Italianët janë shqiptarët e veshur me Verace. Meloni do të ishte shumë dakord. Keni një kryeministre një grua të shkëlqyer, nuk është e gjatë por kur merr fjalën, është më e gjatë se unë. Në sytë e tu shoh shumë të majtë,” tha Rama.