Kryeministri ukrainas: Rusët duan të 'ngrijnë' Ukrainën dhe të kryejnë një tjetër gjenocid

Sezoni i dytë dimëror i luftës "do të jetë shumë sfidues", tha kryeministri ukrainas Denys Shmyhal. Ai u shpreh në një mbledhje të qeverisë se Rusia "do të bombardojë më tej infrastrukturën energjetike qëllimi i tyre është të ngrijnë Ukrainën dhe të kryejnë një tjetër gjenocid ndaj popullit ukrainas".

Shmyhal tha se të gjitha rajonet e Ukrainës, përveç rajonit Kherson, furnizohen me energji elektrike. Aktualisht, prodhimi i energjisë elektrike në Ukrainë mbulon 70% të nevojave të konsumit.

“Në Ukrainë ka energji të mjaftueshme për të shpërndarë në mënyrë të barabartë ngarkesën e ndërprerjeve të detyruara në mënyrë që njerëzit të mund të ndezin dritat për të paktën pesë deri në gjashtë orë në ditë”, tha Shmyhal.

Mes të tjerash kryeministri ukrainas shtoi se situata kërkon një mbrojtje të fortë ajrore dhe riparime të shpejta të pajisjeve të dëmtuara të energjisë.

“Për sa i përket mbrojtjes ajrore, gjatë muajit të kaluar ka pasur përparim të konsiderueshëm, para së gjithash, falë furnizimit me sisteme moderne perëndimore”, tha ai.

Marrja e pajisjeve shtesë të energjisë ishte gjithashtu një prioritet, tha ai.

Lajmi kryesor:

Lufta/ BE: Gjykatë Speciale për të hetuar krimet e Rusisë! E paketuar në zarf, sulm me bombë në ambasadën e Ukrainës në Madrid, 1 i plagosur

B.V/Shqiptarja.com

TAG:
• Denys Shmyhal
• lufta ne ukraine