Ministrja suedeze për Punët e Jashtme Ann Linde, si kryetare e radhës e OSBE-së ka vizituar sot për herë të parë Shqipërinë.
Në një konferencë të përbashkët ministren e Jashtme Olta Xhçka, Ann Linde është shprehur se OSBE do të vijojë mbështetjen për vendin tonë. Ajo theksoi se Suedia mbështet integrimin e Shqipërisë në BE.
“OSBE do të vijojë të ketë një mbështetje të fortë. Kam zhvilluar 20 vizita në rajon dhe jam besimplotë që Osbe po bën ndryshim. Fokus në konflikte ka qenë për të lehtësuar vuajtjet njerëzore. Në terma më të përgjithshme, vijojmë të mbështesim vendet pritëse për të përmbushur procesin e tyre. Jemi krenarë për arritjet, jemi mirënjohës. Suedia mbështet procesin e integrimit të Shqipërisë, do të jetë e angazhuar në bashkëpunimin dypalësh”, tha Linde.
Vizita në Shqipëri e Ministres Linde është pjesë e turit të vizitës së saj. Ministrja Xhaçka tha se vizita e saj në Shqipëri është një tregues i rëndësishëm i vëmendjes ndaj rajonit tonë.
“Ballkani Perëndimor ka përparuar në rrugën e stabilizimit, zhvillimit e bashkëpunimit. BE ka paqartësi lidhur me hapat e mëtejshëm të rajonit në procesin e integrimit. Vëmendja e Presidencës suedeze është mesazh angazhimi e mbështetjeje. Ne jemi të gatshëm të ndajmë eksperiencën tonë në krye të OSBE. Shqipëria është provë e pakundërshtueshme e transformimit nga angazhimi multilateral. Ne do të bashkëpunojmë në çuarjen përpara të prioriteteve të Shqipërisë në KS. Ju uroj suksese në muajt e mbetur të kryesimit të OSBE-së”, tha ministrja.
Mëngjesin e sotëm, ajo ka zhvilluar edhe një takim me presidentin e vendit, Ilir Meta.
Presidenti Ilir Meta ka pritur në takim kryetaren e OSBE-së, Ann Linde, i cili bën me dije se i ka shprehu mirënjohjen Suedisë për mbështetjen që i ka dhënë Shqipërisë në rrugëtimin evropian.
“Kënaqësi të takohesha me Kryetaren e radhës së OSBE-së, Ministren e Punëve të Jashtme të Suedisë, Zonjën Ann Linde, në kuadër të vizitës së saj zyrtare në Tiranë. Vlerësova kryesinë suedeze të OSBE-së, rolin, përpjekjet dhe angazhimin me synim krijimin e një rajoni më të sigurt dhe më të mirë për të gjithë, si dhe e sigurova për mbështetjen e Shqipërisë në çështjet e multilateralizmit dhe prioritetet e kryesisë aktuale. E falënderova për rolin mbështetës të Suedisë në planin e integrimit të Shqipërisë në Bashkimin Europian dhe në atë dypalësh, veçanërisht nëpërmjet projekteve të ndryshme zhvillimore për demokracinë dhe institucionet e pavarura në vendin tonë”, shkruan Meta.
Kryesuesja e OSBE-së Ann Linde ka zhvilluar një takim me kryetaren e Kuvendit, Lindita Nikollën. Në takim ishin të pranishëm edhe nënkryetarët e Kuvendit, Ermonela Felaj dhe Enkelejd Alibeaj.
Siç njofton zyra e shtypit në takim është diskutuar për rrugëtim evropian të Shqipërisë, ndërsa kryesuesja e OSBE-së shprehu vendosmërinë e OSBE-së për të bashkëpunuar me Shqipërinë për avancimin e tre prioriteteve të Organizatës: siguria, demokracia e sundimi i ligjit dhe barazia gjinore.
“Është e rëndësishme që opozita është në Kuvend dhe të gjitha palët shprehin perspektivën dhe qëndrimet e tyre, nëpërmjet dialogut politik dhe respektimit të qëndrimeve e vlerësimeve të ndryshme”, tha Ann Linde.
Nikolla falenderoi Ann Linde për mbështetjen që Suedia i dha Kryesisë shqiptare të OSBE-së si edhe vetë Organizatës, si edhe vlerësoi punën e Kryesisë Suedeze në kryesimin e OSBE-së vitit 2021, nëpërmjet dialogut e bashkëpunimit, për një Europë më të qëndrueshme e të sigurt.
“Shqipëria dhe në mënyrë të veçantë Kuvendi, do të vazhdojnë bashkëpunimin e suksesshëm me OSBE-në për avancimin dhe thellimin e reformave, përmirësimin e standardeve të zgjedhjeve, konsolidimin e institucioneve demokratike, luftën kundër krimit të organizuar e korrupsionit, promovimin e qeverisjes së mirë dhe forcimin e shoqërisë civile. Me opozitën në Kuvend, si një aset i demokracisë dhe i parlamentit, do të thellojmë bashkëpunimin duke zgjeruar aksesin e saj për të kontribuar në avancimin e reformave”, tha Lindita Nikolla.
Në takim e morën fjalën edhe Alibeaj dhe Felaj, të cilët shprehen qëndrimet e tyre të ndryshme mbi zgjedhjet e 25 prillit dhe funksionimin e institucioneve demokratike.
Lajme të tjera
-
Pr.buxheti për shërbimin e jashtëm 3.8 miliardë lekë, Hasani: Më i madhi i alokuar ndonjëherë
13 Nëntor, 15:30 -
Tiranë/ Apeli i Posaçëm cakton datën për shqyrtimin e ankimimit të Ilir Metës mbi masën e arrestit
13 Nëntor, 15:08 -
Hasani pret kreun e OSBE, zv/kryeministrin e Maltës, ministri: Mbështetje për rrugën tonë drejt BE-së! Borg: Inkurajojmë Shqipërinë për integrim, goditje korrupsionit
13 Nëntor, 10:29 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
'Skaneri' i SPAK në familjen e Kryemadhit/ Babai kambist, vëllai i ka punuar si furrxhi dhe DJ, nëna 83 mijë lekë në muaj rrogë
12 Nëntor, 22:19 -
Zgjedhjet 2025, Duka në Report Tv: Nëse hapen listat, jo aleancë me PD! S’kam pasur kurrë marrëdhënie të mira me Metën! Kulluri: S’ka shanse për bashkëpunim me Berishën
12 Nëntor, 18:15 -
Sulmet e Berishës dhe Metës ndaj SPAK, Elezi në Report Tv: Kanë sjellje agresive sepse do përfundojnë në burg! Gazetari: Ardhja në pushtet e Trump s’ndryshon asgjë për ‘non gratën’
11 Nëntor, 19:29 -
Berisha dhe Meta në burg, Ngjela në Report Tv: Shanset që Trump 't’u heq dënimin' janë zero! Opozita nuk vjen dot në pushtet, duhet lidership i ri
11 Nëntor, 18:16 -
Buxheti 2025, Ilir Meta reagon nga burgu: Më antisociali, shton varfërinë dhe korrupsionin! Pensionistët do të diskriminohen më tej
11 Nëntor, 16:04 -
Berisha shpërthen sërish ndaj Dumanit: O llum, o horr, faqezi, je i Xhorxh Sorosit
10 Nëntor, 22:02 -
Arbër Hitaj: Legjoni i parë i luftës botërore formohet në Tiranë
10 Nëntor, 12:49
-
Blushi takim me Shtabin: PL në gjendje lufte me Narkoregjimin! Pas rrëmbimit të Metës po kërkojnë të na marrin partinë, të gatshëm ta mbrojmë me gjak!
9 Nëntor, 15:01
