POP 5

Lajmet më të lexuara të 5 minutave të fundit

Kronikë

Kryebashkiaku i Lezhës në hetim për shpërdorim detyre! Pjerin Ndreu paraqitet në SPAK: Shkak një kallëzim i PD për ndërtimin e një trotuari

Për afro një orë, Pjerin Ndreu, kryetari i Bashkisë së Lezhës, u mor në pyetje nga SPAK dhe në dalje u tha gazetarëve, se akuzohet për shpërdorim detyre, pas një kallëzimi politik të PD në lidhje me një trotuar në lagjen “Xhenio” në rrugën Lezhë- Shëngjin. Ndreu tha se nuk ka të bëjë me aferë korrupsioni dhe as me shkelje në tendera, sikurse do të paraqitet në SPAK sa herë ta thërrasin, për të sqaruar çdo gjë

Kreu i Bashkisë së Lezhës, Pjerin Ndreu, njëherësh ish-deputet i Partisë Socialiste për një orë u mor në pyetje nga prokurorët e Posaçëm.

Në dalje, Ndreu tha se është thirrur në cilësinë e personit nën hetim, për akuzën e shpërdorimit të detyrës, në lidhje me ndërtimin e një trotuari që është bërë në Lezhë, gjatë kohës të mandatit të parë si kryetar Bashkie. I pyetur nëse ka mundësi që SPAK të ngrejë akuza zyrtare ndaj tij, Ndreu tha se ishte iu gatshëm që të përballej, dhe do të paraqitet përpara hetuesve sa herë që të kërkohet prej tyre.

‘Jam thirrur si person nën hetim, për shpërdorim detyre, lidhur me një denoncim që është bërë për një trotuar që është ndërtuar në një lagje të Lezhës. Unë për vete nuk e shoh të arsyeshme që mund të ngrihen akuza ndaj meje, jam vetëm sot, për të tjerët nuk e di pyesni Prokurorinë’,- tha Ndreu.

Pjerin Ndreu e quajti kallëzim politik atë që është bërë ndaj tij në Prokurorinë e Posaçme

“Ka zero dëm ekonomik, zero shkelje ligji dhe procedurash, por është një ndërtim që nuk i shkon përshtat Partisë Demokratike. Prokurorët bënë shumë mirë që më thirrën, jam i gatshëm që të vij dhe të sqaroj pozicionin tim sa herë që është e nevojshme”, 

Kallëzimi ndaj Pjerin Ndreut është bërë nga Partia Demokratike në Lezhë në vitin 2023 në lidhje me trotuarin e bërë në rrugën Lezhë-Shëngjin përgjatë lagjes Xhenjo. Ky aks rrugor është në varësi të ARRSH-së dhe bashkia nuk kishte të drejt që të kryente punime, thotë PD e Lezhës në denoncim, që mes të tjerash, e akuzon Ndreun për tender, në kohë fushate.

Nën hetim janë edhe zyrtarë të Bashkisë së Lezhës, që janë marrë me tenderin për ndërtimin e rrugës.

Pjerin Ndreu u zgjodh për herë të parë kryetar bashkie në Lezhë në vitin 2019, ndërsa fitoi mandatin e dytë në zgjedhjet e vitit të kaluar. Më herët ai ka qenë deputet i qarkut të Lezhës, ndërsa karrierën e ka nisur fillimisht në radhët e policisë së shtetit. 

(Kliko këtu për të lexuar dokumentin e plotë)

S.B/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 10/07/2024 16:21

    Nje gje e dine hajdutet shqiptare:qe hetimet zgjasin aq shume saqe ose dikush vdes ne menyre natyrale dhe i mbyllet dosja dhe sigurisht familja shijon gjene e vjedhur!Pastaj ka aq shume njerez qe duhen hetuar saqe do duhen vite te denohet dikush me kete ritem qe ka Spaku!Keshtu qe ky vend ka mbaruar ,kush humbi pasurine ose njerezit e familjes ta harroje se do gjeje drejtesi!Prandaj edhe njerezit e braktisin parajsen e Rames hajdutit dhe mashtruesit qe cdo dite perpiqet te genjeje shqiptaret por pa sukses!

    Përgjigju
  • Kot për sport: 10/07/2024 12:40

    Kështu foli edhe Zari-thustra!???? Edhe zotni Byqaj kshu tha në fillim...pastaj....kush u pa, u pa kush su pa, su pa!!

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Aksident në Korçë/ Makina përplas biçikletën, 1 plagosur

Aksident në Korçë/ Makina përplas biçikletën, 1 plagosur

28 Nëntor, 09:34