Kryetarja e Gjykatës së Apelit në Korçë në ‘sitën’ e Vetting-ut, Entela Prifti më 8 tetor para KPK

Kryetarja e Gjykatës së Apelit në Korçë, Entela Prifti do të kalojë në sitën e Vetting-ut më 8 tetor, ora 10:30. Entela Prifti, do të dalë para Komisionit të Pavarur të Kualifikimit me një trupë gjykuese që përbëhet nga Firdes Shuli, Roland Ilia, Etleda Çiftja.

Ditën e djeshme u zhvillua seanca dëgjimore për dy gjyqtarë. Ahmet Jangulli, gjyqtar pranë Gjykatës Administrative në Shkodër dhe Sotiraq Lubonja, gjyqtar në Gjykatën e Apelit në Korçë.

Dy gjyqtarët rezultuan me probleme me pasurinë sipas hetimit të pavarur dhe të thelluar që ka zhvilluar KPK. KPK ka shprehur rezerva për pasurinë e gjyqtarit Sotiraq Lubonja, pasi nuk ka dokumente justifikuese për dhuratat e marra në shuma të konsiderueshme monetare. Ndërsa për Jangullin, KPK tha dje se rezulton se ka fshehur pasurinë dhe ka bërë deklarim të rremë.

Gjyqtari rezulton me probleme edhe sa i takon vendimeve të dhëna prej tij, ndërsa DSIK ka konstatuar se gjyqtari është i papërshtashëm. Sipas KPK, Jangulli ka marrë ryshfet bashkë me prokurorin për lirimin e disa të pandehurve nga burgu. Vendimi për ta do të jepet më datat 5 tetor për Jangullin dhe 8 tetor për Lubonjën.

LEXO EDHE:
'Vetingu' i kërkon Kuvendit rritjen e pagave për administratën e saj! Ja sa do të paguhet, sekretari i përgjithshëm, drejtori dhe këshilltari për median

TAG:
• vettingu
• KPK
• Ahmet Jangulli
• sotiraq lubonja
• entela prifti

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.6%

• Të gabuar

  83.7%

• Nuk e di

  4.7%

Vota total: 5349

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di